नुवाकोट । नुवाकोटको जिल्लामा रहेको एक संस्थागत विद्यालयले एसइई परीक्षमा ४ जिपीए ल्याउने विद्यार्थीलाई नगद पुरस्कार प्रदान गर्नेभएको छ । विदुर नगरपालिका वडा नम्बर ५ पिपलटारमा रहेको गुडविल एकेडेमीले एसइईमा ४ जिपीए ल्याउने विद्यार्थीहरुलाई एक लाख रुपैयाँ पुरस्कार दिने जनाएको छ ।
गुडविल एकेडेमीले आफ्नो विद्यालयबाट एसइईमा ४ जीपीए ल्याउने विद्यार्थीहरुलाई नगद एक लाख रुपैयाँसहित सम्मान गर्ने निर्णय गरेको विद्यालयका संस्थापक प्रिन्सिपल रामराजा कुमालले नुवाकोट पुकारलाई जानकारी दिनुभयो । विदुर ५ को एक मात्र संस्थागत विद्यालयको रुपमा रहेको यो विद्यालयले स्थापना कालदेखि नै उत्कृष्ट नतिजा हासिल गर्दै आएको छ ।
पछिल्लो समय विद्यार्थीहरुको सहजताका लागि डे बोर्डस तथा होस्टलको समेत व्यवस्था गरेको छ । बसको सुविधासहित विद्यालयले जिल्लाकै संस्थागत विद्यालयहरुमा गुणस्तरीय शिक्षा प्रदान गर्दै आइरहेको छ । २०६६ सालमा स्थापना भएको विद्यालयमा हाल ३ सय ५० भन्दा बढी विद्यार्थीहरु अध्ययनरत रहेको विद्यालयले जनाएको छ
