काठमाडौं । नेकपा माओवादी केन्द्रका अध्यक्ष तथा पूर्व प्रधानमन्त्री पुष्पकमल दाहाल प्रचण्डले आइतबार राजधानीबाट देशलार्ई आवश्यक परे फेरि अर्को क्रान्ति गर्ने उद्घोष गरेकै दिन राष्ट्रिय प्रजातन्त्र पार्टीका निर्देशन समितिका अध्यक्ष तथा वरिष्ठ नेता डा. प्रकाशचन्द्र लोहनीले व्यंगात्मक रुपमा टिप्पणी टिप्पणी गर्नुभएको छ ।
शनिबार माओवादी केन्द्रले काठमाडौंमा गरेको खबरदारी सभामा अध्यक्ष प्रचण्डले उमेर ७० वर्ष पुग्न लागेपनि देशले चाहेमा क्रान्तिमा होमिने बताउनु भएको थियो । प्रचण्डको सो अभिव्यक्तिप्रति टिप्पणी गर्दै डा. लोहनीले क्रान्ति खोलाको किनारामा बसेर सेकुवा र ह्विस्की खाएजस्तो नभएको बताएका भन्दै व्यंगात्मक रुपमा टिप्पणी गर्नु भएको हो ।
आफ्नो फेसबुक पेजमार्फत दाहालको भनाईप्रति टिप्पणी गर्दै डा. लोहनीले लेख्नुभएको छ,‘माओवादी अध्यक्ष तथा भूपू प्रधानमन्त्री माननीय दाहालजीले फेरि एक थान क्रान्तिको नेतृत्व गर्ने आट छ भन्नुभएछ। के क्रान्ति भनेको कुनै खोला किनारको रिसोर्टमा बेलुका सेकुवा र ह्विस्की पिए जस्तो हो र रु क्रान्तिको लागि सरकारमा हुँदा या नहुँदा कमाएको भ्रष्टाचारको इतिहास बाहेक अब उहाँसँग कुनै सिद्धान्त छ र ? ,यस्तै लोहनीले प्रचण्डले पूजीवादको विरोधलाई प्रचण्डले सत्तामा जाने भर्याङमात्र बनाएको आरोप पनि लगाउनु भएकोे छ ।
उहाँले आफ्नो दोस्रो बुँलामा लेख्नुभएको छ ‘दाहालजीले क्रोनी पूजीवादलाई सत्ताको हतियार बनाउनु भयो । मार्क्सवाद र माओवादलाई जनता छक्याउने हतियारको रूपमा प्रयोग गर्नुभयो । भने राष्ट्रवादलाई बिदेशी मित्र राष्ट्रको लागि सुबिधाजनक रूपमा प्रयोग गर्ने घोषणा गर्नुभयो । अब उहाँहरुको लागि न मार्क्सबाद, न पूजीवाद, न राष्ट्रबाद कुनै पनि काम नलाग्ने भएका छन सिर्फ सत्ताको आडमा धनवादमात्र सिद्धान्त भएको छ । यो आलोचना नभएर यथार्थता हो’ ।
