नुवाकोट। नेकपा (माओवादी केन्द्र) ककनी गाउँपालिका समितिको बैठकले उपनिर्वाचनका लागि वडाबाट आएको उम्मेदवारको सिफारिसलाई अनुमोदन गरेको छ।
बिहीबार बसेको पार्टीको पालिका समितिको बैठकले आगामी मंसिर १६ गते हुन लागेको ककनी गाउँपालिका २ को वडाअध्यक्षको उम्मेदवारमा वडाबाट सिफारिस भएका कृष्ण घिमिरे मिलनको नाम सर्वसम्मतरुपमा अनुमोदन गरेको हो।गाउँपालिका अध्यक्ष सुमन तामाड.ले पनि बिहीबार बसेको पालिका कमिटिले बैठकले घिमिरेलाई उम्मेदवार बनाउने निर्णय गरेको जानकारी दिनुभयो ।
यस अघि कांग्रेसबाट निर्वाचित भएका वडा अध्यक्षको निधन भएपछि उक्त वडामा उपनिर्वाचन हुन लागेको हो। यस्तै कांग्रेस र एमालेले भने अझै उम्मेदवार छनोट गर्न सकेका छैनन् ।
