काठमाडौं । स्थानीय तह उपनिर्वाचन—२०८१ मा ओखलढुंगा जिल्ला समन्वय समितिको प्रमुख पदमा नेपाली कांग्रेसका उम्मेदवार निर्विरोध भएका छन् । आइतबार उम्मेदवारी मनोनयनका क्रममा कांग्रेसका उम्मेदवार टेकराज भट्टराई निर्विरोध निर्वाचित हुनु भएको हो ।
समन्वयमा उहाँको मात्रै उम्मेदवारी परेपछि निर्विरोध घोषणा गरिएको थियो । कांग्रेसले उहाँलाई बधाई ज्ञापन गर्दै नेपाली कांग्रेसका उम्मेदवारलाई निर्विरोध निर्वाचित गराउन अहं भूमिका निर्वाह गर्नु भएका अन्य राजनीतिक दल एवं सम्पूर्ण जनप्रतिनिधिहरुलाई नेपाली कांग्रेस केन्द्रीय कार्यालय हार्दिक धन्यवाद व्यक्त गर्दछ । मुख्य सचिव कृष्ण पौडेलले जारी गर्नुभएको विज्ञप्तिमा भनिएको छ ।
