प्रतिनिधिसभा क्षेत्र नं २ का उम्मेदवार अर्जुननरसिंह केसी बेलकोटगढी ३ मा आफ्नो मन्तव्य राख्दै ः तस्बिर ः नुवाकोट पुकार डटकम
विदुर । नुवाकोट क्षेत्र नं २ बाट उम्मेदवार बनेका गठबन्धनका उम्मेदवारहरु गाउँ गाउँमा पुगेका छन् । जनतासँग मत माग्दै प्रतिनिधिसभा क्षेत्र नं २ बाट नेपाली कांग्रेसका तर्फबाट उम्मेदवार बनेका कांग्रेस नेता अर्जुननरसिंह केसी र माओवादीबाट प्रदेशसभाका लागि उम्मेदवार बनेका रामप्रसाद ढुंगाना यतिखेर मत माग्दै गाउँ गाउँ पुगेका छन् । तिहारको भोलिपल्ट अर्थात मंसिर ११ गतेबाट बेलकोटगढी १ हुँदै जनताको घर दैलोमा पुगेका छन् ।
उनीहरुले संविधानको रक्षा र स्थीर सरकारका लागि कांग्रेस माओवादीसहित पाँच दलीय गठबन्धन बनेको भन्दै यसले देशलाई स्थीरता दिने र लोकतन्त्रको रक्षा गर्ने भन्दै मत मागिरहेका छन् । गठबन्धनका उम्मेदवारलाई स्थानीय जनताले केही केही गुनासो राखेपनि स्वागत गरिएका छन् ।
उम्मेदवारहरुको गलामा माला भरिएको छ । यसले जनता दलहरुप्रति अझै आशावादी रहेको देख्न सकिन्छ । प्रतिनिधिसभाका उम्मेदवार केसी सहित माओवादीबाट समानुपातिक उम्मेदवार बिमला सुवेदी, नेपाली कांग्रेसका प्रदेशसभा समानुपातिक उम्मेदवार प्रतापसिंह लामा पनि प्रत्यक्ष उम्मेदवारसँग आफ्नो पार्टीलाई मत माग्दै गाउँ गाउँ पुगेका छन् ।
गठबन्धनका उम्मेदवारहरुले दुई दिनमा बेलकोटगढीको वडा नं १ देखि ६ सम्म पुगेर मतदातासँग आफ्ना कुरा राखिरहेको कार्यक्रममा सहभागि कांग्रेस नेता शयाम ढुंगानाले नुवाकोट पुकार डटकमलाई बताए । यस्तै भोली वडा नं ७ देखि कार्यक्रम आयोजना गरिने बताइएको छ ।
उता नुवाकोटको ककनी ३ मा र बेलकोटगढी १० मा भने उम्मेदवारहरु माथि जनताले ब्यापक असन्तुष्टि पोखेका छन् । ककनी ३ मा कांग्रेस नेतृत्वको गठबन्धनका उम्मेदवारहरुप्रति तिब्र असन्तुष्टि पोखेका थिए भने बेलकोटगढी १० मा भने एमालेका उम्मेदवारमाथि तिब्र असन्तुष्टि पोखेका थिए ।
नुवाकोट क्षेत्र नं १ मा गठबन्धनबाट माओवादीका हितबहादुर तामाड. र प्रदेशसभामा ख मा राधिका तामाड. र ख मा कांग्रेसका रमेश महत उम्मेदवार बनेका छन् । ककनीमा तामाड. र महतमाथि जनताले असन्तुष्टि जनाएका थिए । यस्तै नुवाकोट क्षेत्र नं २ का लागि एमालेबाट उम्मेदवार बनेका नायायण खतिवडा र प्रदेसभा उम्मेदवार केशव पाण्डेमाथि जनताले असन्तुष्टि व्यक्त गरेका छन् । दलहरुले पनि जनताको यो हर्कतप्रति भने असहमति जनाएका छन् । उनीहरुले उम्मेदवारले मत माग्न पाउने अधिकारमाथि बञ्चित गर्न खोजेको गुनासो गरेका छन् ।
