धादिड.. नेपाल उद्योग तथा व्यवसायी महासंघ धादिङले पुराना तथा सफल ६ जना व्यवसायीहरुलाई सम्मान गरेको छ । बिहीबार नेपाल उद्योग तथा व्यवसायी महासंघ धादिङको प्रथम अधिवेशनको अवसरमा उनीहरुलाई सम्मान गरिएको हो ।
धादिङको मलेखु क्षेत्रमा आएर पहिलोपटक चप, माछाको परिकार बनाउने पुराना व्यवसायी छबीलाल मरहट्ठालाई सम्मानपत्रसहित सम्मानित गरिएको छ । उनले मलेखु क्षेत्रमा राजमार्ग निर्माण भएदेखि नै उनले व्यवसाय सुरु गरेका थिए । अहिले मलेखुलाई चिन्नेहरुले चप र माछाको प्रमुख बजारको रुपमा चिन्ने गर्दछन् ।
धादिङमा सुरुको समयमा कुखुुरा तथा दाना उद्योग संचालन गरेर नेपालमै दाना बनाउन सुरु गर्ने भीमसेन खड्का, कपडा व्यवसाय गर्ने प्रेमप्रसाद पाण्डे, किराना पसल संचालक राजकुमार पौडेल तथा युवा सफल व्यवसायी इश्वरप्रसाद सिलवाल र केशवप्रसाद अधिकारीलाई सम्मान गरिएको हो ।
नेपाल उद्योग तथा व्यवसायी महासंघका कार्यवहाक अध्यक्ष भगिरथ सापकोटा, एमाले जिल्ला अध्यक्ष भूमि त्रिपाठी, केन्द्रीय लेखा आयोगका सदस्य मिनराज कँडेल, जिल्ला सचिव राधिका सापकोटा, लगायतले सम्मानपत्र र खादा ओडाएर सम्मान गरेका हुन् ।
