१ साउन, काठमाडौं । शेयर बजारमा आज पनि हरियाली छाएको छ । साता कारोबारको अन्तिम दिन बिहीबार सेयर बजारमा २९ अर्ब ९५ करोड रुपैयाँ बराबरको कारोबार भएको छ ।
यो कारोबार रकम हालसम्मकै उच्च हो । यसअघि सोमबार कारोबार रकमले २७ अर्ब २४ करोडको उच्च रेकर्ड बनाएको थियो । नेप्से परिसूचक पनि ४३ अंकले बढेको छ । सो वृद्धिपछि नेप्से ३०००.८१ अंकमा कायम भएको छ । जुन अंक तीन वर्ष १५ भदौ २०७८, कै उच्च हो । सो बेला भदौ २ गते ३१९८ अंकको उच्चतम रेकर्ड बनाएर बजार घट्दो क्रममा थियो ।
आज १०५ कम्पनीको मूल्य बढ्दा १३७ को घट्यो भने एकको स्थिर रह्यो ।आजको कारोबार लगानीकर्ताहरु सस्तो शेयरमा झुम्मिएका छन् । कुमारी, बैंक, एनएमबी बैक, प्रभक, सिटिजन्स बैंक जस्ता शेयरमा लगानीकर्ताको चासो देखिएको छ ।
