विदुर नगरपालिकाभित्रका साँढे ९ हजार बिद्यार्थीको आँखा जाच

विदुर । नुवाकोट जिल्लाको विदुर नगरपालिकाभित्रका विद्यालयमा अध्ययनरत साढे नौ हजार विद्यार्थीको आँखा जाँच गरिएको छ ।

नेपाल रेडक्रस सोसाईटी नुवाकोट शाखाका अध्यक्ष तथा तिलगंगा सर्जिकल आँखा केन्द्र नुवाकोटका अध्यक्ष हरि श्रेष्ठले दिनु भएको जानकारी अनुसार बिदुर नगरपालिका भित्रका सस्थागत तथा सामुदायिक बिद्यालयहरु गरी ३४ वटा बिद्यालयमा अध्यनरत ९हजार ५ सय ७३ जना बिद्यार्थीहरुको आखा जाँच गरिएको छ ।

तिलगंगा आँखा प्रतिष्ठान काठमाडौंको प्राबिधिक सहयोगमा जिल्ला सामुदायिक आँखा केन्द्र नुवाकोट,नेरेसो नुवाकोट जिल्ला शाखा,युवा रेडक्रस सर्कल बिदुर नुवाकोट,र सिटि युवा क्लब बिदुरको सहयोग र सहजीकरणमा गरिएको आँखा जाँच कार्यक्रममा ४०२ जनाको आखामा दृस्टी दोष पहिचान भएको छ । यस्ता विद्यार्थीहरुको उपचारका लागि पनि सहयोग गर्ने रेडक्रस नुवाकोट शाखाका अध्यक्ष श्रेष्ठले जानकारी दिनुभयो । उहाँले नुवाकोट जिल्ला भित्रका सम्पूर्ण बिद्यालयहरुमा यस कार्यक्रम मार्फत आँखा जाच गर्ने योजना रहेको समेत जानकारी दिनुभयो ।

अध्यक्ष श्रेष्ठले आफूहरुको अभियानमा सफलतापुर्वक सम्पन्न गर्न समन्वय र सहजीकरण गर्ने सबैलाई धन्यवाद समेत दिनुभएको छ । रेडक्र सोसाइटी नुवाकोटले स्वास्थ्य क्षेत्रमा सेवामुलक स्वास्थ्य कार्यक्रमहरु सञ्चालन गर्दै आएको छ । केही समयअघि जेष्ठ नागरिकहरुको आँखा जाच तथा मोतिया बिन्दुको शल्यक्रियामा पनि सहयोग गरेको थियो ।