विदुर । नुवाकोट जिल्लाको दोस्रो महत्वपूर्ण सडक गंगटे–लब्धु–समुन्द्राटार–गोल्फु भन्ज्याड्। सडकको ठेक्का प्रक्रियाको प्राविधिक प्रस्ताव स्वीकृत भएको छ । भौतिक पूर्वाधार तथा यातायात मन्त्रालयले मन्त्रिस्तरीय निर्णय पछि डिभिजन सडक कार्यालय नुवाकोटले प्रस्ताव स्वीकृत भएको सूचना सार्वजनिक गरेको छ । आज बिहिबार सार्वजनिक सूचनामार्फत प्राविधिक प्रस्ताव स्वीकृत गरेको सूचना सार्वजनिक भएको हो ।
नेपाली कांग्रेसका प्रवक्ता तथा पूर्व अर्थमन्त्री डा. प्रकाशशरण महतको नेतृत्वमा नुवाकोट क्षेत्र नं १ का जनप्रतिनिधि तथा कांग्रेसका नेताहरुको बारम्बारको खबरदारीपछि मन्त्रालयले अड्किएको ठेक्काको प्रक्रिया स्वीकृत गरेको हो । यो सँगै उक्त सडक आयोजनाको सडक स्तरोन्त्तरीको काम सुरु हुने भएको छ । यो सँगै नुवाकोट जिल्लाका चार गाउँपालिकाका झण्डै ५० हजार नागरिक लाभान्वित हुनेछन् ।
गगटेबाट गोल्भन्ज्याड.सम्म ६७ किलोमिटर रहेको छ । नौ मिटर चौडाइको उक्त सडक खन्ने, पुल बनाउने काम समेत सम्पन्न भैसकेको छ । अर्थमन्त्रालयले उक्त सडक स्तरोन्त्तरीसहित कालोपत्रेका लागि ठेक्का प्रक्रिया अघि बढाएको थियो ।
नेपाली कांग्रेसका प्रवक्ता डा. प्रकाशशरण महत अर्थमन्त्री हुँदा बजेट वक्तव्यमा बहुवर्षीय योजनाका लागि भन्दै सुरुमा ३० करोड बजेटको व्यवस्था गरिएको थियो । उक्त सडकको प्राविधिक सर्वेक्षणपछि कुल लागत १ अर्ब २० करोडको हुने भएपछि अर्थ मन्त्रालयले सोही बराबरको रकम स्रोत सुनिश्चित गरेको थियो । अर्थमन्त्रालयले २०८० मंसिर १८ गते राष्ट्यि योजना आयोगलाई पत्र लेखे १ अर्ब २० करोडको स्रोत सुनिश्चितता भएको पत्र पठाएको थियो । मन्त्रालयले स्रोत सुनिश्चित गरेसँगै उक्त सडक बहुवर्षीय योजनाका रुपमा ठेक्का प्रक्रिया अघि बढाइएको थियो ।
डिभिजन सडक कार्यालय नुवाकोटले प्राविधिक प्रस्ताव स्वीकृत भएसँगै आर्थिक प्रस्तावका लागि विभाग पठाइने स्वीकृत स्वीकृत भएसँगै खोलिने जनाएको छ । सूचना अधिकारी अमृत प्रसाद यादवले आर्थिक प्रस्ताव पनि छिट्टै खोलिने जानकारी दिनुभयो । उहाँले १७ जना मध्ये प्राविधिक रुपमा १६ जना पास भएको र सोही १० जनामध्येबाट छनोट गरेर आर्थिक प्रस्ताव स्वीकत गर्ने जानकारी पनि दिनुभयो ।
सडक निर्माणका लागि डिभिजन सडक कार्यालय नुवाकोटल २०८० साल चैत्र १० अनलाइन मार्फत सार्वजनिक सूचना प्रकाशित गरेको थियो । ठेक्का प्रक्रियालाई लागि डिभिजन सडक कार्यालय नुवाकोटले प्राविधिक विषयका सधै काम पूरा गरेर सडक विभागलाई पत्र लेखेको थियो । तर विभागमा पुगेपछि उक्त पत्रको जवाफ नआउँदा आर्थिक रुपमा ठेक्का प्रक्रिया अघि बढाउन बढ्न सकेको थिएन ।
माओवादी र कांग्रेस गठबन्धनको सरकारको नेतृत्व परिवर्तन भएसँगै उक्त आयोजनाका विषयमा थप प्रक्रिया रोकिन पुगेको थियो । विभागले ठेक्का प्रक्रियामा सहभागि भएका ठेकेदार कम्पनीहरुमध्ये दुईवटा कम्पनी अख्तियारले छानविनमा दायरमा राखेकाहरुको समेत सहभागिता भएको भन्दै यसको प्रक्रिया रोकेको थियो ।
ठेक्काका सबै प्रक्रिया पूरा गरेर काम अघि बढिसक्कनु पर्ने बेलामा सरकार परिवर्तन भएसँगै उक्त आयोजनाको काम रोकिएको थियो । डा। महतले उक्त आयोजनका विषयमा चासोकासाथ सरकारको ध्यानाकर्षण गराएपछि सडक निर्माणको काम अघि बढ्ने निश्चित भएको छ ।डिभिजन सडक कार्यालयले अब थप काम अघि बढ्ने बताएको छ । कार्यालयका सूचना अधिकारी अमृत प्रसद यादवले प्राविधिक रुपमा १७ जना मध्ये १६को प्रस्ताव स्वकृत भएको र एक जना फेल भएको जानकारी दिनुभयो । उहाँल यसअघि पेश भएका १६ जनाको प्रस्ताव हेरेर तकाल त्यस प्रस्तावकोलार्य पनि खुलाउने र यसै आर्थिक वर्षमा काम सुरु गर्ने जानकारी दिनुभयो ।
