भारतको औपचारिक भ्रमणका क्रममा नयाँ दिल्लीमा रहनुभएकी परराष्ट्रमन्त्री डा आरजु राणा देउवाले सोमबार साँझ भारतीय प्रधानमन्त्री नरेन्द्र मोदीसँग शिष्टाचार भेट गर्नुभएको छ ।
भेटमा प्रधानमन्त्री मोदीसँगै विदेशमन्त्री एस जयंशकर, सुरक्षा सल्लाहकार अजित डोभल लगायत सहभागी हुनुहुन्थ्यो । नेपालको तर्फबाट मन्त्री राणा र दूतावासका अधिकारीहरु सहभागी हुनुहुन्थ्यो।
भारतीय विदेश मन्त्री एस जयशंकरको निमन्त्रणमा भारत भ्रमण रहनु भएकी मन्त्री राणाले यसअघि विदेशमन्त्रीसँग भेट गरिसक्नु भएको छ । भेटमा दुई देशबीचको आपसी सम्बन्धलाई बलियो बनाउने विषयमा कुराकानी भएको बताइएको छ ।
तस्बिर,परराष्ट् मन्त्री राणाको सचिवालय
