विदुर । नुवाकोट जिल्लाको म्यागङ गाउँपालिकामा एक वृद्धले अर्का वृद्धलाई ढुंगाले हानेर हत्या गरेका छन् । जिल्ला प्रहरी कार्यालय नुवाकोटले दिएको जानकारी अनुसार आज अन्दाजी दिउँसो १५ः२० बजेको समयमा म्यागङ गाउँपालिका वडा नं.३ गोगने बस्ने अन्दाजी ६५ वर्षीय चमार तामाङले सँगै हिडिरहेका बिदुर नगरपालिका वडा नं. ७ कुबिण्डे बस्ने अन्दाजी ६५ वर्षीय लाल बहादुर तामाङलाई ढुंगालो हानेर हत्या गरेका हुन
। स्थानीय छिमेकीको घेवा (किरिया) को कार्य सकि फर्किने क्रममा बाटोमा दुई जना बिच बाद बिवाद भई झगडा हुँदा लाल बहादुर तामाङले चमार तामाङलाई एक्कासी ढुङ्गाले टाउकोमा प्रहार गर्दा चमार तामाङको घट्नास्थलमा नै मृत्यु भएको प्रहरीले जारी गरेको प्रेस नोटमा उल्लेख गरिएको छ । उक्त घटना भएको जानकारी पाए लगत्त प्रहरी चौकी देउराली नुवाकोटबाट खटिएको प्रहरी निरीक्षकको टोलीले लाल बहादुर तामाङलाई नियन्त्रणमा लिई थप अनुसन्धान कार्य भई रहेको पनि प्रेस नोटमा उल्लेख गरिएको छ ।उनीहरुले मादक पदार्थ सेवक गरेर झगडा गरेको बताइएको छ ।
