विदुर । नुवाकोटमा निर्माण सम्पन्न भएको केन्द्रीय कारागार भवनको उद्घाटन गरिएको छ । गृहमन्त्री रमेश लेखकले आज एक कार्यक्रमकाबीच केन्द्रीय कारागार भवनको उद्घाटन गर्नुभएको हो ।
कार्यक्रममा प्रमुख अतिथि गृहमन्त्री लेखकले सरकारले कारागारलाई आगमी दिनमा थप व्यवस्थित गर्ने बताउनुभयो । उहाँले भन्नुभयो,सरकार सकेसम्म कारागारको आवश्यकता नहोस् भन्ने चाहान्छ्,तर आवश्यक भएको ठाउँमा व्यवस्थित रुपमा सञ्चालन गर्दछ ।
कार्यक्रमा बागतमी प्रदेशका मुख्यमन्त्री बहादुरसिंह लामा, प्रतिनिधिसभा सदस्य तथा पूर्व मन्त्री हितबहादुर तामाड.कांग्रेस सांसद,सिता मिजार,राज्य व्यवस्था समितिका सभापति रामहरि खतिवडा ,बागमती प्रदेशका सामाजिक विकास मन्त्री मधु श्रेष्ठ,कारागार व्यवस्थापन विभागका महानिर्देशक हरिप्रसाद मैनाली, प्रमुख जिल्ला अधिकारी रामकृष्ण अधिकारी, जिल्ला प्रहरी प्रमुख लगायतका व्यक्तित्वहरुको उपस्थिति रहेको थियो ।
विदुर नगरपालिका खम्पा क्याम्पमा निर्माण सम्पन्न केन्द्रीय कारागारका लागि ५३९ रोपनी क्षेत्रफलमा केन्द्रीय कारागारमा एकहजार पाँचसय जना रहने क्षमताको चारवटा पुरुष ब्लक र एकहजार जना क्षमताको एउटा महिला ब्लक गरी जम्मा पाँचवटा ब्लक निर्माण भएको बताइएको छ । बन्दीगृह, वर्कशप, डाइनिङ, बाथरूम, अस्पताल, विद्यालय लगायतका लागि २५ वटा भवनहरू रहेका छन् भने सुरक्षा निकायका लागि ४ वटा र कार्यालयको १ वटा समेत गरी जम्मा ३० वटा भवन रहेका छन् ।
सरकारले काठमाडौं उपत्यकाका तीनवटा कारागारबाट १ सय ५० जना कैदीलाई नुवाकोटमा निमाण गरिएको केन्द्रीय कारागारमा स्थानान्तरण गरेको छ । खासगरी हत्या, बलात्कार, लागूऔषध, ज्यानमार्ने उद्योगलगायत गम्भीर किसिमका अपराधमा अदालतबाट दोषी ठहर भई सजाय भुक्तान गरिरहेका डेढ सय जना कैदीलाई नुवाकोटमा निर्माण भएको केन्द्रीय कारागारमा स्थानान्तरण गरिएको हो ।
