काठमाडौँ । सत्तारुढ दल नेपाली कांग्रेसको केन्द्रीय समितिको बैठक आज बस्दैछ । पार्टी कार्यालय सानेपा ललितपुरमा आज बस्ने बैठकमा महामन्त्रीद्धय गगन थापाल र विश्वप्रकाश शर्माले पेश गर्नुभएका प्रस्तावहरुलाई परिमार्जनसहित पारित गर्ने तयारी भएको नेताहरुले बताएका छन् ।
बैठकमा महामन्त्री थापाले आगामी निर्वाचनमा नेपाली कांग्रेस कसैसँग गठबन्धन नगरि निर्वाचन लड्छ भन्ने कुरालाई केही परिमार्जन गर्ने सहमति भएको छ भने शर्माको प्रस्तावमा पनि परिमार्जन गरिने छ । यसका लागि आज आइतबार १ बजे पार्टीको पदाधिकारी बैठक बस्नेछ । पदाधीकार बैठकले यसलाई संशोधनको मस्यौदा तयार पार्ने र केनद्रीय समिति बैठकले पारित गर्ने तयारी गरिएको छ ।
यसअघि शनिबार पार्टीको पदाधिकारी र पूर्वपदाधिकारीको बैठकमा महासमितिमा प्रस्तुत प्रस्ताव सर्वसम्मत पारित गर्ने सहमति भएको बताइएको छ ।
कांग्रेस सभापति शेरबहादुर देउवा निवास बुढानीलकण्ठमा बसेको बैठकमा महासमितिमा प्रस्तुत भएका सबै प्रस्तावलाई आइतबार बस्ने केन्द्रीय समिति बैठकमा प्रस्तुत गरी सर्वसम्मत रुपमा पारित गर्ने सहमति भएको मुख्यसचिव कृष्णप्रसाद पौडेलले जानकारी दिनुभयो ।
