
प्रधानमन्त्री केपी शर्मा ओली र संयुक्त राष्ट्रसङ्घका महासचिव एन्टेनियो गुटेरेसबीचको भेटवार्तापछि खिचिएको तस्बिर, तस्बिर, प्रधानमन्त्रीको नीजि सचिवालय
न्युयोर्क (अमेरिका) प्रधानमन्त्री केपी शर्मा ओली र संयुक्त राष्ट्रसङ्घका महासचिव एन्टेनियो गुटेरेसबीच भेटवार्ता भएको छ ।
संयुक्त राष्ट्रसङ्घको ७९औँ महासभामा सहभागी हुन संयुक्त राज्य अमेरिकाको न्युयोर्कमा रहनुभएका प्रधानमन्त्री ओली र राष्ट्रसङ्घका महासचिव गुटेरेसबीच स्थानीय समयअनुसार शनिबार साँझ राष्ट्रसङ्घ भवनमा भेटवार्ता भएको हो ।
भेटवार्ताका क्रममा नेपालको वर्तमान अवस्थामा राष्ट्रसङ्घले खेल्ने भूमिकाका विषयमा कुराकानी भएको बताइएको छ । आफ्नो भ्रमणका क्रममा प्रधानमन्त्री ओलीले भारतीय प्रधानमन्त्री नरेनद्र मोदीसँग पनि भेटवार्ता गर्ने बताइएको छ ।