काठमाडौं । राष्ट्यि परीक्षा बोर्डले २५ वर्षअघि कक्षा ११ र १२ मा फेल भएका परीक्षार्थीहरुलाई एक पटक पुनः मौका दिने भएको छ । परीक्षा बोर्डले २०५६ सालदेखि २०७७ सम्म कक्षा ११ र १२ मा अनुतीर्ण भएका विद्यार्थीहरूलाई अन्तिम पटक परीक्षा मौका दिने भएको हो ।
बोर्डले आज सार्वजनिक सूचना जारी गर्दै परीक्षामा सहभागि हुनका लागि मङ्सिर २७ गतेसम्म परीक्षा फाराम भर्न सूचना प्रकाशित गरेको छ । साथै बोर्डले सवै विद्यालयहरुलाई सूचना जारी गर्दै पुस २ गतेभित्र भरिएका फारमहरु बोर्डमा अनिवार्य बुझाउन पनि भनेको छ । बोर्डले प्रतिखण्ड एक हजार परीक्षा शुल्क निर्धारण गरेको छ । यस्तै परीक्षा केन्द्र भने विद्यार्थीको संख्या अनुसार पछि तोकिने पनि जनाएको छ ।
यसअघि त्रिभुवन विश्व विद्यालयले पनि २०५७ सालबाट परीक्षा दिएका स्नातब तहका परीक्षार्थीहरुलाई मौका प्रदान गरेको थियो । बोर्डको उक्त निर्णयले माध्यमिक शिक्षा उत्र्तीण गर्ने अवसर प्राप्त भएको छ ।
