बेइजिङ — चीनले नेपाललाई करिब नौ अर्ब रुपैयाँ अनुदान दिने घोषणा गरेको छ । प्रधानमन्त्री केपी शर्मा ओली र चीनका राष्ट्रपति सी चिनफिङ बीचको भेटवार्ताका क्रममा सीले मंगलबार नेपाललाई ५०० मिलियन आरएमबी (करिब नौ अर्ब) रुपैयाँ दिने घोषणा गरेको प्रधानमन्त्रीको सचिवालयले जनाएको छ ।
प्रधानमन्त्री ओली र सी बीच बेइजिङमा मंगलबार दिउँसो द्विपक्षीय भेटवार्ता भएको थियो । सो भटमा अन्य दुई पक्षीय हितका विषयमा समेत कुराकानी भएको सचिवालयले जनाएको छ ।
यसअघि प्रधानमन्त्री ओलीले आफ्ना समकक्षी लि छ्याङको उपस्थितिमा विभिन्न आठ वटा विषयमा समझदारी समेत गर्नुभएको छ ।प्रधानमन्त्री ओली आफ्नो तीन दिने चीन भ्रमण सकेर बिहीबार स्वदेश फर्कने कार्यतालिका रहेको छ ।
