
बेइजिङ — नेपाल र चीनबीच बुधबार बेइजिङमा हस्ताक्षर भएको ‘बीआरआई सहकार्य फ्रेमवर्क’ मा नेपालले प्रस्ताव गरेका १० परियोजना परेका छन् ।
प्राप्त समाचारमा जनाइए अनुसार ‘बीआरआई सहकार्य फ्रेमवर्क’ मा नेपालले चिनियाँ पक्षलाई सडक पूर्वाधार, सहरी विकास र उद्योग–व्यापारसँग सम्बन्धित एक दर्जन परियोजना प्रस्ताव गरेकोमा १० परियोजना फ्रेमवर्क सहमति हुँदा परेको हो । उक्त परियोजनामा टोखा–छहरे सुरुङमार्गलाई एक नम्बरमा राखेर सहमतिमा हस्ताक्षर गरिएको छ ।
चिनिया राष्ट्पतिले नेपाल भ्रमणमा आएको बेला समेत चासोकासाथ हेर्दै टोखा–छहरे सुरुङमार्ग निर्माण सकारात्मक जवाफ दिनु भएको थियो । सोहि अनुसार यस पटक चीन सरकारले यस पटको प्रधानमन्त्रीको भ्रमणका क्रममा उक्त परियोजना निर्माणमा सहमति जनाएको छ ।
निकै ढिलो गरि भएको भनिएको उक्त सहमतिले अन्य विकास निर्माणका लागि महत्वपूर्ण योजनाहरु समावेश छन् । जसले नेपालको विकासमा ठुलो फड्को मार्ने विश्वास गरिएको छ । बीआरआई सहकार्य फ्रेमवर्कमा परेका १० परियोजनाहरू यस्ता छन्
१, टोखा–छहरे सुरुङमार्ग
२, हिल्सा–सिमकोट सडक परियोजना
३, किमाथांका–खाँदबारी सडक र पुल
४, जिलोङ–केरुङ–काठमाडौं सीमापार रेलमार्ग
५, डडेलधुरास्थित अमरगढी सिटी हल
६, जिलोङ–केरुङ–रसुवागढी चिलिमे २२० केभी सीमापार प्रसारण लाइन
७, मदन भण्डारी विश्वविद्यालय
८, काठमाडौं साइन्टिफिक सेन्टर एन्ड साइन्स म्युजियम,
९, दमकस्थित चीन–नेपाल औद्योगिक मित्रपार्क
१०, झापा स्पोर्ट्स एन्ड एथलेक्टिस कम्प्लेक्स