काठमाडौँ । चीनको चारदिने भ्रमण सम्पन्न गरी प्रधानमन्त्री केपी शर्मा ओली आज स्वदेश फर्किनुभएको छ ।
प्रधानमन्त्री ओली स्वदेश फर्किनुभएपछि त्रिभुवन अन्तर्राष्ट्रिय विमानस्थलको अति विशिष्ट कक्षमा उपप्रधानमन्त्री प्रकाशमान सिंह,गृहमन्त्री रमेश लेखक तथा नेपाल सरकारका उच्च पदस्थ अधिकारीहरुले स्वागत गर्नुभयो ।
सो अवसरमा प्रधानमन्त्री ओलीलाई नेपाली सेनाको एक टुकडीले सम्मान गर्दै सलामी अर्पण गरेको थियो ।चीन भ्रमणमा रहँदा प्रधानमन्त्री ओलीले विभिन्न उच्चस्तरीय भेटवार्ताहरू गर्नुभएको थियो ।प्रधानमन्त्री ओली यही मङ्सिर १७ गते चीनको चारदिने भ्रमणकालागि त्यस तर्फ जानुभएको थियो ।
प्रधानमन्त्री ओली स्वदेश फर्किनुभएपछि अहिले त्रिभुवन अन्तर्राष्ट्रिय विमानस्थलको अति विशिष्ट कक्षमा पत्रकार सम्मेलनको आयोजना गरिएको छ ।
