कांग्रेस प्रवेश गरेका एमालेका नेताहरुलाई स्वागत गर्दै कांग्रेस नेता अर्जुननरसिंह केसी, बहादुरसिंह लामा लगायतका कांग्रेस नेताहरु
विदुर । नेकपा एमालेबाट निर्वाचित जनप्रतिनिधि नेपाली कांग्रेसमा प्रवेश गरेका छन् । शुक्रबार पाँच दलीय गठबन्धनले विदुर नगरपालिका वडा नं ८ मा आयोजना गरेको चुनावी कार्यक्रममा एमालेबाट निर्वाचित वडा सदस्य कृष्ण रिजाल नेपाली कांग्रेसमा प्रवेश गरेका हुन ।
यस्तै एमालेका अर्का नेता नारायण श्रेष्ठसहित एमालेका अन्य कार्यकर्ताहरु पनि नेपाली कांग्रेसमा प्रवेश गरेका थिए । कांग्रेस प्रवेश गरेका रिजाललाई नेपाली कांग्रेसका केन्द्रीय सदस्य तथा नुवाकोट क्षेत्र नं २ का उम्मेदवार अर्जुननरसिंह कृसीले खादा र टिका लगाएर कांग्रेसमा स्वागत गर्नुभएको थियो ।
कांग्रेस प्रवेश गरेसँगै रिजालले एमालेले जनतालाई ढाँटिरहेको र देश विकासमा कुनै योगदान दिन नसकेकाले आफूले नेपाली कांग्रेसबाट मुलुकको विकास हुने देखेर कांग्रेस रोजेको बताए । कार्यक्रममा कांग्रेस नेता केसीले पार्टी प्रवेश गरेकाहरुलाई उचित स्थान दिने प्रतिवद्धतता व्यक्त गर्नुभएको थियो ।
केसीले वर्तमान गठबन्धन परिस्थितिको उपज भएको भनदै निर्वाचन पछि बन्ने गठबन्धनको सरकारले देशलाई विकासको बाटोमा लैजाने बताउनुभयो । कार्यक्रममा नेपाली कांग्रेसका केन्द्रीय सदस्य तथा क्षेत्र नं २ को प्रदेश ख का उम्मेदवार बहादुरसिंह लामा । कांग्रेस नेता तथा पूर्व जिल्ला सभापति जगदीश्वरनरसिंह केसी लगायतले बोल्नुभएको थियो ।
