नुवाकोट । अखिल नेपाल महिला संघ (अनेमसंघ) नुवाकोटको अध्यक्षमा इन्दिरा अधिकारी चयन भएकी छन्। माघ १६ गते सम्पन्न नवौँ जिल्ला सम्मेलनबाट अधिकारीको नेतृत्वमा ५१ सदस्यीय समिति सर्वसम्मत चयन भएको नेकपा एमालेले जनाएको छ । सम्मेलनबाट उपाध्यक्षमा लक्ष्मी प्रधान र जुना वली चयन भएका छन् भने सचिवमा अम्विका पौडेल चयन भएकी छन्। त्यस्तै, सह(सचिवमा गंगा कोइराला र कोषाध्यक्षमा देविका घिमिरे चयन भएका छन्।
बुधबार सम्पन्न सम्मेलनमा सदस्यहरू सर्वसम्मत भए पनि पदाधिकारी चयनमा धेरैजनाको उम्मेदवारी परेकाले सहमति जुटाउन प्रयास गरिएको थियो। निर्वाचन मण्डलले सहमतिका लागि बिहीबार बिहान ८ बजे समय तोकेपछि दिनभरको छलफलबाट नयाँ नेतृत्व सर्वसम्मत चयन गरिएको बताइएको छ ।
सम्मेलनमा झण्डै ३०० जना नेता तथा कार्यकर्ताको उपस्थिति रहेको सम्मेलनबाट सर्वसम्र्वत रुपमा नेतृतव चयन हुनु नेकपा एमालेमा सकारात्मक सन्दशे गएको नेताहरुको भनाई रहेको छ ।
यसैबीच अध्यक्षमा निर्वाचित अधिकारी विभिन्न गैरसरकारी संस्थाहरुमा आवद्ध हुँदै राजनीतिक र समाजिक कार्यमा सक्रिय रहँदै आएकी छिन् । उनले नेकपा एमालेको भातृ संस्थालाई सिंगो महिला हक अधिकारका पक्षमा अघि बढाउने प्रतिवद्धता जनाएकी छिन् ।
