विदुर । राष्ट्रिय प्राकृतिक स्रोत तथा वित्त आयोगले सार्वजनिक गरेको कार्यसम्पादन मूल्याङ्कनमा नुवाकोट अनुसार नुवाकोट जिल्लामा लिखु गाउँपालिका उत्कृष्ट पालिका बन्न सफल भएको छ ।
प्राप्त नतिजा अनुसार लिखुले ७३.१ अंक प्राप्त गर्दै पहिलो स्थान हासिल गरेको हो। यस्तै शिवपुरी गाउँपालिका ६९ अंकका साथ दोस्रो स्थानमा रहँदा म्यागङ गाउँपालिकाले ६५.२ अंक प्राप्त गरी तेस्रो स्थानमा आएको छ।
आयोगले तोकेका १७ वटा सूचकहरूका आधारमा मूल्याङ्कन गर्दा लिखु गाउँपालिका शीर्ष स्थानमा रहन सफल भएको हो। यस्तै सबैभन्दा कम अंक ल्याउनेमा तारकेश्वर गाउँपालिका परेको छ ।
तारकेश्वरले ४८ अंक मात्रै प्राप्त गरेको छ । सो तालिका अनुसार दुई नगरपालिका मध्ये विदुर नगरपालिका – ५८.६ र बेलकोटगढी नगरपालिका – ५२.९ अंक प्राप्त गरेका छन् । यस्तै तादी गाउँपालिकाले ६३.४पञ्चकन्या गाउँपालिका – ६१.८ दुप्चेश्वर गाउँपालिका – ५९.९,सुर्यगढी गाउँपालिका – ४९.२किस्पाङ गाउँपालिका – ५६.७ र ककनीले ५४.५ प्राप्त गर्न सफल भएको छ ।
