तादी । नुवाकोट जिल्लाको तादी गाउँपालिका वडा नं ४ मा रहेको दुप्चेश्वर अस्पताल प्रा.लिमा शिल गरिएको छ । सहायक प्रमुख जिल्ला अधिकारी कृष्ण प्रसाद हुमागाईको नेतृत्वमा गएको अनुमगन टोली आज अस्पताल शिल गरेको हो । आवश्यक प्रक्रिया पूरा नगरी अस्पताल सञ्चालन गरेको भन्दै शिल गरिएको अनुगमन टोलीले जनाएको छ ।
टोलीले अनुगमन गर्ने क्रममा अस्पता अनुमति बिना सञ्चालन गरेको र दुप्चेश्वर अस्पताल प्रालिको बोर्ड राखेको तर प्रा.लिको कुनै कागजात नभएको भन्दै टोलीले शिल गरेको हो । टोलीले फार्मेसीको पनि अनुगमन गरेको थियो । फार्मेसीको भने कागजात भेटिएपछि छाडिएको छ । टोलीले तादी ४ की वडा सदस्य सुनिता तामाड.को उपस्थितिमा शिल गरेको छ ।
यस्तै तामेल गर्ने अधिकारीहरुमा सहायक प्रजिअ हुमागाई,कृषि विकास कार्यालयका प्रमुख केशव खनाल,पशुसेवा कार्यालयका प्रमुख भरत पाण्डे,उपभोक्ता शित संरक्षण मञ्चका अध्यक्ष इन्द्र पण्डित,जनस्वास्थ्य कार्यालयका अधिकृत जनार्दशन सिलवाल,नेपाल पत्रकार महासंघ नुवाकोटका अध्यक्ष नमराज सुवेदी स्थानीय किसोर सापकोटा र कमल खतिवडा रहेको अनुगमन टोलीले जनाएको छ ।यस्तै अनुगमन टोलीले तादीस्थित शहरेटारमा रहेको एक पालिक्निकलाई पनि मापदण्ड विपरित भएको भन्दै शिल गरेको जनाएको छ ।
