नेविसंघबाट शंकरदेव क्याम्पसको स्ववियु सचिवमा नुवाकोटका भट्टको सम्भावना बलियो

काठमाडौं । आगमी चैत्र ५ गते हुने स्वतन्त्र विद्यार्थी युनियनको निर्वाचनका लागि विद्यार्थीहरु चुनावी मैदानमा होमिएका छन् । यस्तै सबैभन्दा धेरै विद्यार्थी अध्ययनरत राजधानीको शंकरदेव क्याम्पसमा पनि निर्वाचनको माहोेल तातेको छ ।

७ हजार २ सय विद्यार्थी मतदाता रहेको राजधानीको सबैभन्दा ठुलो क्याम्पस शंकरदेवमा विगत देखि नै नेपाल विद्यार्थी संघको विरासत कायम रहेको छ । सो विरासत जोगाउनका लागि नेविसंघका नेताहरु लागिपरेका छन् । नेपाल विद्यार्थी संघ निकट स्रोतले दिएको जानकारी अनुसार शंकरदेव क्याम्पसमा नेविसंघबाट सभापतिमाअमृतजंग कार्की र भुवन ओझा मध्ये एक लाई अधि सर्ने तयारी गरिएको छ ।

यस्तै सचिवमा नुवाकोटका सविन भट्टले दावी गरेका छन् । अध्यक्षका दावेदार कार्की र ओझा दुवैका विश्वासपात्र र लामो समयदेखि नेविसंघका सक्रिय रहेकाले उनको सम्भावना रहेको नेविसंघ संकरदेवका एक विद्यार्थी नेताले नुवाकोट पुकारलाई बताए ।

नेपाल विद्यार्थी सङ्घ नुवाकोटको जिल्ला सदस्य समेत रहेका उनी शंकरदेव क्याम्पसमा विद्यार्थीको समस्यासँग नजिक हुने र क्याम्पसभित्रका व्यथिति र समस्यालाई समाधान गर्न अग्रसर हुने गरेको विद्यार्थीहरुले बताएका छन् । जसले गर्दा उनको सम्भावना देखिएको छ । उनी मुख्यमन्त्री बहादुरसिंह लामा निटक रहेर नुवाकोटमा राजनीति गर्दै आएका छन् ।