२५ फागुन, काठमाडौं । नेपाली कांग्रेसले ‘मिसन रोजगारी’ अभियान सुरु गर्ने भएको छ। आज दिउँसो १ बजे पार्टी केन्द्रीय कार्यालय सानेपामा औपचारिक रुपमा सो अभियान सुरु हुने भएको हो।
एक वर्षसम्म सञ्चालन हुने उक्त अभियान कांग्रेस महामन्त्रीद्वय गगन थापा र विश्वप्रकाश शर्माले सञ्चालन गर्ने बताइएको छ। यो अभियानले ‘राजनीतिक विमर्शको केन्द्रमा रोजगार-सरकारको प्राथमिकतामा रोजगारी’ भन्ने लक्ष्य राखेको कांग्रेसले नेताले बताए।
‘अब रोजगारका कुरा गरौं’ विषयमा गोलमेच छलफल सञ्चालन गरेर अभियानको सुरु गर्न लागिएको छ। यस अभियानमा रोजगारी सिर्जना गर्न सकिने माध्यम, क्षेत्र,नीतिगत अवस्थालगायत विषयमा वर्षभरी नै छलफल हुने दाबी गरिएको छ।
