मुख्यमन्त्री किरण थापा मगरलाई विश्वासको मत प्राप्त

हेटौँडा, भदौ ९ गते । बागमती प्रदेशका मुख्यमन्त्री किरण थापा मगरलाई बागमती प्रदेश सभाबाट विश्वासको मत प्राप्त भएको छ ।

१०४ प्रदेश सभा सदस्य कायम रहेको बागमती प्रदेश सभाको मङ्गलबारको बैठकमा ५८ जना उपस्थित रहेको विश्वासको प्रस्तावको पक्षमा ५७ मत परेको छ । विपक्षमा मत परेन ।
एमालेका थापा नेकपा, एमाले र राप्रपाको समर्थनमा मुख्यमन्त्री बन्नुभएको हो ।

प्रदेश सभामा नेकपामा २६, एमालेका २५ र राप्रपाका १२ जना प्रदेश सभा सदस्य रहेका छन् ।