काठमाण्डौ । ट्रेकिङ एजेन्सिज एसोसिएसन अफ नेपाल (टान)को बार्षिक साधारणसभा एवम निर्वाचन भोलि भदौ १७ गते हुने भएको छ।
बुधबार बसेको टानको बैठकले वार्षिक साधारणसभा भदौ १७ गतेका लागि गर्ने निर्णय गरेसँगै नयाँ नेतृत्वका लागि उम्मेदवारी घोषणा समेत गरिएको छ । टानको साधारणसभा घोषणा भएसँगै नयाँ नेतृत्वका लागि दौडधूप सुरु भइसकेको छ।
राजेन्द्रप्रसाद सापकोटा, सागर पाण्डे, केशव पाण्डे, नविन त्रिताल र रामशरण थपलियालगायत अध्यक्षको दौडमा नेतृत्व लिन दर्जन वढी आकाक्षी रहेता पनि राजेन्द्रप्रसाद सापकोटा र सागर पाण्डेबीच प्रतिस्पर्धा हुने देखिएको व्यवसायीहरु बताउँछन्।
आज एक कार्यक्रमकाबीच निर्वाचनमा सागर पाण्डे समुहको याक एण्ड एति र राजेन्द्र प्रसाद सापकोटा समुहले सिल्भर ओक वेक्युटमा अन्तिम चुनावी प्रचार प्रचार सुरु गरेका छन् । चुनाव प्रचार प्रसारमा क्रममा देखिएको दृश्यले दुवै पक्ष बलियो देखिन्छ । दुवै पक्षको कार्यक्रममा उत्साह जनक मतदाताहरुको उपस्थिति देखिथ्थो । साधारणसभाले टानको आगामी २ वर्षे कार्यकालका लागि नयाँ नेतृत्व समेत चयन गर्ने छ। टान पर्वतीय पर्यटन व्यवसायीको छाता संगठन हो।
तस्वीर ः प्रदीपकुमार श्रेष्ठ
