३१ भदौ, काठमाडौं । संवैधानिक परिषद्ले वरिष्ठतम न्यायाधीश प्रकाशमान सिंह राउतलाई प्रधानन्यायाधीशमा सिफारिस गरेको छ । सोमबार बसेको परिषद्को बैठकले रावतलाई प्रधानन्यायाधीशमा सिफारिस गरेको हो ।
प्रधानन्यायाधीश विश्वम्भरप्रसाद श्रेष्ठ १८ असोजमा अवकाश लिने भएसँगै श्रेष्ठपछि दोस्रो वरीयतामा रहेका राउतलाई प्रधानन्यायाधीश सिफारिस गरिएको हो । रावतले नियुक्त पाएमा १८ महिना न्यायपालिकाको नेतृत्व गर्नुहुनेछ ।
संवैधानिक परिषद्ले सिफारिस गरेपछि अब संसदीय सुनुवाइ हुनेछ । संसदीय सुनुवाइबाट नाम अनुमोदन भएपछि मात्रै राष्ट्रपतिले प्रधानन्यायाधीश नियुक्त गर्ने व्यवस्था रहेको छ ।
