काठमाडौं । सत्तारुढ दल नेकपा एमाले र नेपाली कांग्रेसले प्रधानमन्त्री केपी शर्मा ओली नेतृत्वको सरकारलाई सफल बनाउन ८ सदस्यीय संयन्त्र बनाएका छन् । दुईदलबीच आज भएको सात बुँदे सहमति अनुसार संयन्त्र निर्माण गरेका हुन ।
संयन्त्रको शीर्ष तहमा प्रधानमन्त्री केपी शर्मा ओली र कांग्रेस सभापति शेरबहादुर देउवा रहने गरी कांग्रेसबाट महामन्त्री गगन थापा, उपसभापति पूर्णबहादुर खड्का, गृहमन्त्री रमेश लेखक र परराष्ट्रमन्त्री आरजु राणा देउवा रहेका छन् ।यस्तै, एमालेबाट वरिष्ठ उपाध्यक्ष ईश्वर पोखरेल, महासचिव शंकर पोखरेल, अर्थमन्त्री विष्णु पौडेल र उपमहासचिव विष्णु रिमाल हरनु भएको छ ।
संयन्त्रले सरकारका काम कारबाहीका विषयमा शीर्ष तहलाई जानकारी गराउने, सरकारलाई प्रभावकारी बनाउन सल्लाह सुझाव दिने लगायतका काम गर्ने बताइएको छ ।
प्रदेश र जिल्लामा दुई दलबाट तीन/तीन सदस्य रहेको संयन्त्र बनाउने सहमति भएको छ । यो संयन्त्रले प्रदेश सरकारलाई सुझाव दिने र स्थानीय सहकार्यका लागि काम गर्ने बताइएको छ ।
