ककनी ,नुवाकोट आगामी मङ्सिर १६ गते नुवाकोट जिल्लाको ककनी गाउँपालिका वडा नं २ मा हुन लागेको वडाध्यक्ष पदको उपनिर्वाचनका लागि नेपाली काङ्ग्रेसको तर्फबाट सुर्य तामाड.ले मनोनयन दर्ता गराएका छन् ।
आइतबार निर्वाचन कार्यालयमा रानीपौवामा पुगी नेपाली गंगाराम घिमिरेको प्रस्ताव र सुनिल तामाड.को समर्थनमा नेपाली काङ्ग्रेसका तर्फबाट तिवारीले मनोनयन दर्ता गराएको नेपाली कांग्रेस निर्वाचन परिचालन समितिका संयोजक राजन न्यौपानेले जानकारी दिनुभयो ।
कांग्रेसले काउँलेथाना चोकबाट नारा जुलुससहित निर्वाचन कार्यालयमा पुगेर उम्मेदवारी दर्ता गराएको थियो ।यस्तै नेकपा एमाले र माओवादीले पनि आफ्ना उम्मेदवारको मनोनयन दर्ता गराएका छन् ।
एमालेबाट यमबहादुर तामाड. र माओवादीबाट मिलन घिमिरेले उम्मेदवारी दर्ता गराउनु भएको छ । दलहरुले जुलुससहित आफ्ना उम्मेदवारलाई निर्वाचन कार्यालयसम्म पुर्याएको थिए । कांग्रेसका जिल्ला सभपाति रमेश महत, पूर्वजिल्ला सभापति जगदीश्वरनरसिंह केसी, जिल्ला सचिव श्रीराम श्रेष्ठसहित कांग्रेसका नेता कार्यकर्ताहरुको उपथिति रहेको थियो ।
यस्तै एमाले र माओवादीले पनि जुलुससहित मनोनयन दर्ता गराएका छन् । गत २०७९ वैशाखमा सम्पन्न स्थानीय तह निर्वाचनमा निर्वाचित वडाअध्यक्षको निधन भएपछि ककनी २ मा वडा अध्यक्ष पद रिक्त भएको थियो। उक्त वडामा गत निर्वाचनमा कुल मतदाता ३२२४ रहेकोमा हाल त्यसमा ५ सय मतदाता थप भएको बताइएको छ ।
