शुकदेव दाहाल
व्यवस्थापिका संसदका दुई ठुला दल नेपाली कांग्रेस र नेकपा एमालेबीच सात बुँदे सहमतिसँगै गठन भएको सरकारले चार महिना पूरा गर्दैछ । सरकार गठन भएसँगै परिकल्पना गरिएको उच्चस्तरीय समितिको नाममा सरकार सफल बनाउने भन्दै संयन्त्र गठन भएको छ ।
चार महिनापछि गठन भएको संयन्त्रको प्रत्यक्ष रुपमा नेतृत्व दुई दलका शीर्ष नेता अर्थात प्रधानमन्त्री केपी शर्मा ओली र कांग्रेस सभापति देशबहादुर देउवाले गर्ने उल्लेख गरिएको छ । यो भन्दा नि मुख्य कुरा के छ भने सरकारलाई बेला बेलामा सचेत गराउने, सरकारका काम कारबाही चित्त नबुझे त्यसको सार्वजनिक रुपमा आलोचना गर्ने नेताहरुलाई नै सरकारलाई सफल बनाउने जिम्मेवारी दिएको छ । अन्य अर्थ नलागोस् ,चोरलाई चौतारो, जस्तै भएको छ । कांग्रेसका उपसभापति पूर्णबहादुर खड्का,महामन्त्री गगन थापा, गृहमन्त्री रमेश लेखक र परराष्ट् मन्त्री आरजु राणा देउवा संयन्त्रमा हुनुहुन्छ ।
कांग्रेसका अर्को धार भनौं या सरकारलाई सचेत गराउने एक समूहका नेतालाई नै वर्तमान सरकारले संयन्त्रमा राखेको छ । त्यस्तै एमालेका हस्तीहरु उपाध्यक्ष ईश्वर पोखरेल, महासचिव शंकर पोखरेल, प्रधानमन्त्रीका राजनीतिक सल्लाहकार विष्णु रिमाल हुनुहुन्छ । सरकारसँग वा मन्त्री भएकाहरु त यसै सरकारप्रति जिम्मेवार हुने नै भए,तर सरकारमा नभएका पार्टी सञ्चालनको महत्वपूर्ण भूमिकामा रहेकाहरु पनि सरकारका कामकारबाहीप्रति जवाफदेखि बन्नैपर्ने जुन निर्णय भएको छ त्यसबारेमा अनेकखाले टिका टिप्पणी सुरु भएको छ । के साच्चिकै ति तहका नेताहरुबाट सरकारलाई उचित राय सुझाव प्रदान होला त ? अर्को कुरा दुई शीर्ष नेताका अगाडि आफ्नो निर्णय त्यो तहबाट सम्भव होला त ? यस्ता प्रश्न वा शंकारबाट यो संयन्त्रलाई हेर्न खोजिएको छ । नेपाली राजनीतिका दुई प्रखरपात्र जो धेरै कुरा भोगेर, देखेर र लडेका आएका छन् । जसलाई नेपाली राजनीति र आफ्ना लागि नाफा घाटा राम्रोसँग थाहा छ । त्यो तहबाट दोस्रो तहका नेताहरुको भूमिका स्वीकार हुन्छ वा हुँदैन भन्ने हो ।
अर्कोतर्फ अबको नेतृत्व त्यहि तहले गर्छ जो संयन्त्रको नेतृत्वमा छन् भन्ने सन्देश पनि यो संयन्त्रले दिएको छ । तर यि सबै निश्कर्षलाई हेर्दा अब पक्कै पनि नेपाली राजनीतिका लागि कांग्रेस एमाले आगामी दिनमा राष्ट्यि शक्तिमा भए पनि नभएपनि त्यसको नेतृत्व गर्ने भनेको त्यहि तहले नै हो । तर यस पटक भने त्यो तहलाई पनि अल्झाउने र अल्मल्याउन खोजिएको हो कि भन्ने आशंका देखिन्छ । यदि त्यस्तो हो भने कांग्रेस एमाले दुवैलाई घाटा हुने निश्चित छ । यो सरकार कुनै पनि तहलाई असफल हुनु हुदैन भन्ने पंक्तिकारको धारणा हो । हो पंक्तिकारको उक्त आशंका सत्य नहोस्, वर्तमान सरकार र गठबन्धन २०८४ सम्म पुग्न सकोस् र देशले स्थायित्व प्राप्त गर्न सकोस् त्यसमा नै सिंगो देश, जनता र नेताहरुको भविष्य लुकेको छ । शुभकामना ।
