काठमाडौ. । मुलुकको अर्थतन्त्र सुधारका लागि नेपाली काँग्रेसले अर्थविदहरुसँग छलफल गर्ने भएको छ । पार्टी सभापति एवं संसदीय दलका नेता शेरबहादुर देउवाको प्रमुख आतिथ्यतामा यही भोलि मङ्सिर ७ गते बिहान ११ बजे नयाँ बानेश्वरस्थित सङ्घीय संसद् भवनमा छलफल आयोजना गर्न लागेको नेपाली कांग्रेसले जनाएको छ ।
कांग्रेस संसदीय दलको आयोजनामा हुने छलफल कार्यक्रममा पूर्वअर्थमन्त्री, राष्ट्रिय योजना आयोगका पूर्वपदाधिकारी, निजी क्षेत्रका अर्थतन्त्रसँग जोडिएका संघ संस्थाका पदाधिकारीलगायतका लागि निमन्त्रण गरिएको कांग्रेस संसदीय दलका सचेतक प्रमुख श्यामकुमार घिमिरेले जानकारी दिनुभयो ।
