आगामी आइतबार अर्थात मंसिर १६ गते देशका विभिन्न ४१ स्थानीय तहमा उपनिर्वाचन हुँदैछ । २०७९ सालमा सम्पन्न भएको स्थानीय तहको निर्वाचन पश्चात विभिन्न कारणले रिक्त रहेका कुल ४४ स्थान मध्ये तीन स्थानमा भने उम्मेदवारी मनोनयनका क्रममा नै निर्विरोध निर्वाचित भैसकेको अवस्था छ ओखलढुंगा जिल्ला समन्वय समितिको प्रमुखमा कांग्रेसका टेकराज भट्राई निर्विरोध निर्वाचित भैसक्नु भएको छ ।
यस्तै अन्य एक समन्वय प्रमुख र एक वडा अध्यक्ष पनि निर्विरोध भैसकेको अवस्था छ आयोगका अनुसार गाउँपालिका अध्यक्ष र उपाध्यक्ष तथा नगरपालिकाका प्रमुख र उपप्रमुखमा रिक्त ८ पदका लागि ३५ महिला, ४८ पुरूष र १ अन्य गरी जम्मा ८४ जना उम्मेदवारबीच प्रतिस्पर्धा हुँदैछ । वडा अध्यक्षको रिक्त ३४ पदका लागि २९ महिला, २९३ पुरूष र १ अन्य गरी जम्मा ३२३ जनाको मनोनयन पत्र दर्ता भएकोमा केही उम्मेदवारले उम्मेदवारी फिर्ता लिएका छन् । उम्मेदवारी दिएका दल र स्वतन्त्र उम्मेदवारहरु आआफ्नो चुनावी क्षेत्रमा मतदाताकाबीच पुगिसकेका छन् । अब केही दिनमात्रै प्रचारको समय बाँकी भएकाले उम्मेदवाहरु मतदाताको घर दैलोमा पुग्ने प्रयासमा छन् । केही सिमित स्थानमा मात्र उपनिर्वाचन हुने भएकाले अन्य निर्वाचन क्षेत्रका राजनीतिक दलका नेता कार्यकर्ताहरु समेत निर्वाचन हुने तहमा पुगेर मतदातासँग मत मागेको देख्न सकिन्छ । जसले गर्दा पनि आम रुपमा निर्वाचनप्रतिको उत्साह बढाएको छ ।
निर्वाचन आफैमा जनमत सर्वेक्षणको एउटा पक्ष हो । मुलुकमा निर्वाचन भएको दुई वर्ष पूरा भएको छ । यसबीचमा राजनीतिक दलहरुका विचार एजेण्डा र कार्यशैलीलाई जनताले कति हेरेका छन् वा स्वीकार गरेका छन् भन्ने जनमत बुझ्ने यो एउटा समय पनि मिलेको छ । केही स्थानमा मात्रै निर्वाचन भएपनि जनताको मनस्थितिलाई यो निर्वाचनबाट पनि बझ्न सकिन्छ । बहुमत जनता कस्को पक्षमा छन् वा जनताले कसलाई विश्वास गरेका छन् भन्ने सन्देश उपनिर्वाचनले पनि दिन सक्ने भएकाले दलहरुले आआफ्नो क्षेत्रको प्रभुत्वलाई कायम राख्न कस्सिएर लागेका छन् । मुलुकमा नेपाली कांग्रेस र एमालेसहित नेकपा माओवादी केन्द्रको मुख्य शक्ति स्थापित छ ।
गत संसदीय निर्वाचनपपछि राष्ट्यि स्वतन्त्र पार्टी पनि नेपाली राजनीतिमा स्थापित हुन पुगेको छ । संसदमा २१ सिटसहित चौथो ठुलो दलको रुपमा रास्वपा स्थापित छ । यि बाहेक अन्य दलहरु छिटपुट रुपमा मात्र जनताबाट अनुमोदिन भएका छन् । तराईमा पछिल्लो समय जनमत पार्टी स्थापित भएको छ भने अन्य मधसीदलहरु क्रमश ः कमजोर बनिरहेका छन् । यो अवस्थामा देशको विभिन्न स्थानमा हुने उपनिार्वचनले दलहरुको अबस्था के छ भन्ने सांकेतिक सन्देश दिने नै छ ।
यो निर्वाचन पश्चात दलहरुलाई आफ्नो अवस्थामा सुधार गरेर जानका लागि पनि उपर्विाचन एक महत्वपूर्ण बाटो बन्नेछ । तसर्थ आम मतदाताहरुलेआफ्नो आत्मदानलाई कुनै प्रभाव र दवावमा नपरी स्वतन्त्रतापूर्क जनमत प्रदान गर्ने वातावरण निर्वाचन आयोग र नेपाल सरकारबाट हुनु पर्दछ । यो एउटा सिंगो देशलाइ सन्देश दिने अवसर हो । यस अर्थमा उपनिर्वाचन निश्पक्ष, शान्तिपुर्ण र भयरहित वातावरणमा सम्पन्न होस् हार्दिक शुभकामना ।
