बेइजिङ (चीन) , प्रधानमन्त्री केपी शर्मा ओली र उहाँका चिनियाँ समकक्षी लि छ्याङको उपस्थितिमा नेपाल र चीनबिच आठ बुँदामा समझदारी भएको छ ।
परराष्ट्र मन्त्रालयका प्रवक्ता कृष्णप्रसाद ढकालले नेपालले सञ्चार माध्यमलाई दिनु भएको जानकारी अनुसार नेपाल र चीनबिच टोखा–छहरे सुरुङमार्ग निर्माणसम्बन्धी समझदारीपत्रमा दुवै देशका सम्बद्ध अधिकारीले हस्ताक्षर गरेर आदानप्रदान गरेका छन् । दुवै देशका प्रधानमन्त्रीबिच द्विपक्षीय वार्तापछि अन्य पारस्परिक सहयोगसम्बन्धी सम्झौतामा पनि हस्ताक्षर भएको समाचारहरुमा जनाइएको छ ।
मुख्य रुपमा टोखा–छहरे सुरुङमार्ग निर्माणको विषयलाई चीनले पनि मुख्य रुपमा हेरेको अधिकारीहरुले बताएका छन् यसअघि २०७६ मा असोजमा चिनियाँ राष्ट्रपति सी चिनफिङको नेपाल भ्रमणका बेला टोखा–छहरे सुरुङ निर्माणको प्रस्ताव राखिएको थियो ।
राष्ट्रपति सीले सुरुङमार्ग निर्माणमा सहयोग गर्ने सकारात्मक प्रतिक्रिया दिएका थिए ।सोही अनुसार २०७६ पुसमा चिनियाँ टोलीले सुरुङमार्गको अध्ययनका लागि नेपाल आएको थियो । काठमाडौंलाई उत्तरी नाका रसुवागढी जोड्ने छोटो दूरीको रूपमा टोखा–छहरे सुरुङमार्गलाई लिइएको छ । यसको कुल लम्बाई करिब चार किलोमिटर हुने अनुमान छ । त्यसको झण्डै पाँच वर्षपछि फेरि अर्को समझदारीमा हस्ताक्षर भएको छ ।
नेपाल सरकारले गत वर्ष भने उक्त परियोजनका लागि बजेट विनियोजन गरेन । तर त्यसअघि तत्कालिन तत्कालिन अर्थमन्त्री डा. प्रकाशशरण महतले सुरुड.मार्ग निर्माणका लागि भन्दै एक अबर बजेट विनियोजन गर्नुभएको थियो । मन्त्री महतको पहलमा आयोजना निर्माणका लागि नेपाल सरकारको तफृबाट सबै बाधाहरु फुकाउने काम समेत भएको थियो । त्यसपछिको नेकपा माओवादी र एमाले सरकारले उक्त परियोजनाका विषयमा कुनै चासो देखाएको थिए ।
उक्त सुरुड.मर्ग निर्माणको सहमति भएसँगै काठमाडौंदेखि टोखा–छहरे हुँदै सुरुङमार्गबाट केरुड. पुग्न निकै सहज हुनेछ । यसले नेपाल, भारत र चीनबीच त्रीदेशिय व्यापारिक हव बन्नेछ । यसबाट मुख्य रुपमा नुवाकोट, रसुवा र धादिड.का जनताले अझ धेरै लाभ लिन सक्नेछ । यद्यपि सम्झौता सँगै यसको कार्यान्वयन भएपनि पूर्णता पाउन भने निकै समय कुर्नुपर्ने हुन्छ ।
