काठमाडौं । नेपाल पत्रकार महासंघले २९ औं महाधिवेशन अन्र्तरगत आज उम्मेदवारको मनोनय दर्ताको कार्यक्रम रहेको छ । आज बिहान ११ बजेदेखि अपराह्न ४ बजेसम्मको समय निर्धारण गरिएको छ ।
यस्तै मंसिर २१ गते साँझ ५ बजे उम्मेदवारको अन्तिम नामाबली प्रकाशन हुनेछ । भोलि मंसिर २२ गते शनिबार उम्मेदवारकाविरुद्ध दावी विरोधको समय रहेको छ । यस्तै उम्मेदवारले नाम फिर्ता लिने मंसिर २२ गते १० बजेसम्म रहेको छ । मंसिर २२ गते ११ बजे उम्मेदवारको अन्तिम नामाबली प्रकाशन हुनेछ ।
कार्यतालिका अनुसार मंसिर २८ गते बिहान १० बजेदेखि अपराह्न ४ बजेसम्म निर्वाचन हुनेछ । मत गणाना भने निर्वाचनको समयका तालिका सकिएसँगै सुरु गरिने पनि निर्वाचन समितिले सार्वजनिक गरेको कार्यतालिकामा उल्लेख गरिएको छ । कार्यतालिका अनुसार प्रदेश समितिको उम्मेदवारको मनोनयन मंसिर २४ , जिल्ला र प्रतिष्ठानको २६ गतेका लागि व्यवस्था मिलानउन भनिएको छ ।
पटक पटक स्थगित भएको महासंघको निवाचन यस पटक भने सुनिश्चित भएको छ । यसअघि महासंघको निर्वाचन समितिले केन्द्रीय समिति, प्रदेश समिति, जिल्ला शाखा, प्रतिष्ठान शाखाबाट प्राप्त नामावलीअनुसार सूची प्रकाशित गरेको थियो । २८ गते हुने निर्वाचनमा सहभागी हुन सम्पूर्ण सदस्यले विधानबमोजिमको शुल्क भुक्तानी गरेको हुनुपर्ने निर्वाचन समितिले विज्ञप्तिमा जनाएको छ ।
