२१ मंसिर, काठमाडौं । नेपाल पत्रकार महासंघको नेतृत्वमा नेपाल प्रेस युनियन र प्रेस चौतारी नेपालबीच सहमतिमा नै नेतृत्व चयन गर्ने सहमति भएको छ । सहमति अनुसार दुई संगठनले केन्द्र प्रदेश र जिल्लासम्म भागबण्डा गरेका छन् । सोही अनुसार दुई संगठनले आज मनोनयन दर्ता गर्दैछन् ।
दुई संगठनबीभ भएको सहमति अनुसार चौतारीले अध्यक्ष, महिला उपाध्यक्ष, आदिवासी जनजाति सचिव, कोषाध्यक्ष र लेखा संयोजक सहित २२ सदस्यमा लिने छ ।
यस्तै अपाध्यक्ष, महासचिवसहित बाँकी पदहरुमा युनियनका उम्मेदवार हुनेछन् । यस्तै प्रदेश र जिल्लामा पनि सहमति भएको बताइएको छ । यसनियन स्रोतका अनुसार चौतारीले कोशी, मधेश, कर्णाली र उपत्यकाको अध्यक्ष लिने छ भने बागमती, गण्डकी, लुम्बिनी, सुदूरपश्चिम, एसोसियट र प्रतिष्ठानको अध्यक्ष युनियनले लिने छ ।
जिल्ला अध्यक्षहरुमा पनि भागबण्डा भएको छ । ४५ युनियन जिल्ला अध्यक्ष युनियन र ३२ जिल्ला अध्यक्ष चौतारीले लिएको छ । जिल्लाहरुको संख्या टुंगिएपनि कसले कुन जिल्ला लिने भन्ने टुंगिन बाँकी रहेको पत्रकारका नेताहरुले बताएका छन् ।
