विदुर । नेपाल पत्रकार महासंघको महाधिवेशन अन्तर्रगत मंसिर २८ हुने निर्वाचनमा नुवाकोट जिल्लामा त्रियाशिल रहेका पाँच पत्रकार चुनावी मैदानमा होमिएका छन् । जिल्लामा रहेर पत्रकारिता गर्दै आएका जिल्लाका पूराना पत्रकार धुर्व रावल नेपाल पत्रकार महासंघको केन्द्रीय लेखा आयोगको संयोजकको उम्मेदवार बनेका छन् ।
रावल रमेश विष्ट नेतृत्वको प्यानलबाट उम्मेदवार बनेका हुन । उनी लामो समयदेखि नुवाकोट जिल्लामा मिडिया सञ्चालन गर्दै आएका छन् । रावल हाल पत्रकार महासंघको केन्द्रीय सदस्य हुन् ।
यस्तै २०५४ सालदेखि पत्रकारिता गर्दै आएका बागमती प्रदेशका अध्यक्ष शिव देवकोटा प्रदेश अध्यक्षको उम्मेदवार बनेका छन् । देवकोटा प्रेस युनियन र प्रेस चौतारीका साझा उम्मेदवार हुन । उनले नुवाकोट जिल्लाबाट उत्तरगया दैनिक र नुवाकोट जागरण साप्ताहिक प्रकाशन गर्दै आएका छन् ।
यस्तै जिल्लाका अर्का पत्रकार भोलाप्रकाश पौडेल बागमती प्रदेशका लागि उपाध्यक्षको उम्मेदवार बनेका छन् । पौडेल रमेश विष्टसहित प्रेस सेन्ट र समाजवादी प्रेस संगठनसहितका अन्य संगठनबाट साझा उम्मेदवार हुन । उनी समाजवादी प्रेस संगठन नुवाकोटका अध्यक्ष पनि हुन । नुवाकोट जिल्लामा रहेर पत्रकारिता गर्दै आएका पौडेल अत्यन्त सालिन पत्रकारका रुपमा चिनिएका छन् ।
यस्तै प्रदेशबाट प्रदेश सदस्यका लागि पत्रकारद्धय सुनिल विष्ट र रुपया अर्यालले उम्मेदवारी दिएका छन् । दुवै जना नुवाकोटमा रहेर सक्रिय पत्रकारिता गर्दै आएका छन् । सुनिल प्रेस युनियन नुवाकोटका सचिव तथा पत्रकार महासंघ नुवाकोटका कोषाध्यक्ष हुन ।
रुपा अर्याल भने प्रेस सेन्टरमा आवद्ध छिन् । उनी पत्रकार महासंघ नुवाकोटको पूर्व उपाध्यक्ष पनि हुन ।उनले मिक्स एफएम र जालपा अनलाईन सञ्चालन गर्दै आएकी छिन् । यस्तै नुवाकोट जिल्लामा जन्मिएर राजधानीमा बसेर पत्रकारिता गरेका अन्य पत्रकारहरुले पनि केन्द्रयि समिति र प्रदेशमा उम्मेदवारी दिएका छन् ।
