देशभरका पत्रकारहरुको साझा संस्थाको रहेको नेपाल पत्रकार महासंघको २७ औं महाधिवेशन अन्र्तरगत मंसिर १६ गते सम्पन्न निर्वाचनले नयाँ नेतृत्व चयन गरेको छ । त्यसमा पनि महासंघको सात दशक लामो यात्राका क्रममा पहिलो पटक महिला नेतृत्व स्थापित हुन पुगेको छ । यसले गर्दा यो महाधिवेशन आफैमा एउटा ऐतिहासिक भएको छ ।
अर्कोतर्फ नेतृत्वमा भएकाहरुले पटक पटक सदस्यता शुद्धिकरणका नाममा अल्झाएको महाधिवेशनलाई पनि एक जना महिलाकै नेतृत्वमा सफल भएको छ । यो पनि अर्को इतिहास हो । अध्यक्ष विपुल पोखरेल हुँदै उपाध्यक्ष रमेश विष्टसम्मले महाधिवेशन गर्न नसकेपछि कावा अध्यक्षको जिम्मेवारीमा रहेकी उपाध्यक्ष बाला अधिकारीले सफल रुपमा महासंघलाई अवतरण गराएकी छिन् । उनको यो साहसपुर्ण कामले नै महासंघको गरिमालाई जोगाएको छ ।
विगत जसरी अघि बढेको भएपनि नेपाल पत्रकार महासंघले ढिलै रुपमा पनि नेतृत्व पाएको छ । सात दशक लामो पत्रकार महासंघको इतिहासमा यसको आफ्नै गरिमा र महत्व रहेको छ , पत्रकारहरु राज्यका चौथो अंह हुन । देशलाई सहि बाटोमा ल्याउने, सरकारका राम्रा कामको प्रचार गर्ने रगलत कामको आलोचना गर्दै मुलुकलाई लोकतान्त्रिक अभ्यासमार्फत अघि बढाउने विषयमा पत्रकारहरुको पनि महत्वपूर्ण योगदान रहेको हुन्छ । यसमा महासंघ लागिरहेको कुरामा दुई मत छैन । तर पछिल्ला दिनमा महासंघ आफै अलमलिएको जस्तो हुँदै आएको छ । कहिले सदस्यता विवाद त कहिले अन्य विषयमा हुने विवाद,जसले गर्दा पत्रकार महासंघ पत्रकारहरुको संस्था जस्तो हुन सकिरहेको छैन । यसले पत्रकारमाथि भएका वा हुने गरेका ज्यादती वा राज्यबाट पत्रकारहरुमाथि गरिने व्यवहारलाई एक विज्ञप्तिको भरमा मात्रै आफ्नो उपदेयता ठान्ने अरेको अवस्था विद्यमान रहँदै आएको छ ।
मुलुकमा पत्रकारिता एउटा व्यवसायिक पेशाको रुमपा विकास हुनुपर्ने हो तर अझै पत्रकारहरुले सामान्य पारिश्रमिक लिन पनि महिनो कुनुपर्ने अवस्था छ । ठुला मिडिया हाउसबाट त पत्रकारले न्यनुतम पारिश्रमिक पाउन सकेका छैनन् भने अन्य मिडियामा के कल्पना गर्न सकिन्छ । यो एउटा परम्परगात समस्याकै रुपमा स्थापित भैसकेको छ । अर्कोतर्फ पत्रकारहरु माफै पनि आफ्नो जिम्मेवारी अनुसारको मर्यादमा रहन नसकेका कारण पत्रकारहरुप्रति आस्था र सम्मान पनि क्रमश ः घट्दै गैरहेको छ । यसले गर्दा पत्रकार बन्न चाहानेहरुको संख्या कमजोर हुँदै गएको छ । अझ भन्दै पर्दा पत्रकार महासंघमा उम्मेदवार पाउन नै झण्डै मुश्किल परेको अवस्था थियो ।
यि तमाम समस्या र चुनौतीमा बीच निर्मला शर्मा जस्तो एक होनकार पत्रकारका नेता महासंघमा पुग्नु भएको छ । उहाँसगै अन्य टिमहरु पनि अनुभवी र पत्रकारका समस्या बुझेकाहरु हुनुहुन्छ । यो पत्रकार महासंघका लागि पनि सुखद् छ । यसले पत्रकार महासंघको गरिमा पुरानै अवस्थामा फर्कन्छ भन्ने आशा पलाएको छ ।
पक्कै पनि नेतृत्वमा सामु धेरै चुनातीहरु छन् । चुनौतीलाई पार लगाउन सक्ने र आफ्नो जिम्मेवारी सहि रुपमा पूरा गर्नेहरु नै इतिहासमा गनिने हुन् । यसका लागि पक्कै पनि वर्तमान नेतृत्व तयार छ र हुनेछ । केवल कर्मकाण्डी रुपमा महासंघमा फोटो मात्रै झुण्डियो भने त्यसले तपाईहरुको अन्र्तरआत्माले पनि त्यसलाई स्वीकार गर्ने छैन । यसर्थ सबै चुनौतीलाई चिर्दै पत्रकार महासंघलाई साच्चै पत्रकारहरुको अभिभावकीय संस्थाको रुपमा विकास गर्न सक्नुहोस् । शर्मा सहित सबै निर्वाचितहरुलाई हार्दिक बधाई तथा शुभकामना ।
