काठमाडौँ । प्रमुख सत्तारुढ दल नेपाली कांग्रेसले पार्टीको १५ औं महाधिवेशन आउन डेड वर्ष बाँकी रहँदा क्रियाशील सदस्य नविकरण र वितरणलाई तिब्रता दिएको छ । यसैक्रममा नेपाली कांग्रेस नुवाकोटले दुईवटै निर्वाचन क्षेत्रमार्फत नविकरणका लागि फारम विरण गरिसकेको छ ।
जिल्ला सचिव बैकुण्ठ मिश्रका अनुसार जिल्लाबाट करिब १४ हजार क्रियाशिल सदस्यहरुलाई नविकरणमा लागि वडा वडा पठाइएको छ उहाँका अनुसार पौष १५ गतेसम्म वडा सम्मेलन सम्पन्न गरेर नविकरण फराम बुझाएका वडाहरुलाई पुस १५ पछि नयाँ फारम दिने तयारी गरिएको छ ।
कांग्रेसले पुस १५ भित्र वडा सम्मेलन आयोजन ागर्न निर्देशन दिएको छ । नेपाली कांग्रेसका अनुसार नुवाकोट जिल्लामा कांग्रेसको विधानमा महाधिवेशन भएको वर्ष क्रियाशील सदस्यता वितरण नगरिने व्यवस्था छ । अरु वर्ष भने नियमित रुपमा क्रियाशील सदस्यता वितरण गरिने व्यवस्था भएपनि कांग्रेसले गत वर्ष क्रियाशिल सदस्य वितरण गरेन । तर यस पटक महाधिवेशन नजिकिएपछि मात्रै सदस्यता वितरणमा तातेको देखिन्छ ।
यता केन्द्रले भने कांग्रेसले क्रियाशील सदस्य सबै जिल्लामा पठाईसकेको जनाउँदै वितरण प्रक्रियालाई अघि बढाउन जिल्ला सभापतिहरुलाई निर्देशन दिएको छ । कांग्रेस क्रियाशील सदस्यता व्यवस्थापन समितिका संयोजक एवं पार्टी महामन्त्री गगनकुमार थापाको संयोजकत्वमा बिहीबारको बैठकले क्रियाशील सदस्य वितरण गर्न निर्देशन दिँदै सदस्यता वितरण नरोक्न पनि भनेको छ ।
जिल्ला सभापतिले क्रियाशील सदस्यता फारम रोकेको भेटिए केन्द्रीय समितिले हस्तक्षेप गरेरअघि बढ्ने निर्णय गरेको समितिका सदस्य प्रकाश रसाईलीले नुवाकोट पुकारलाई जानकारी दिनुभयो ।समितिको अर्को बैठक यही पुस १८ गते बस्ने जनाइएको छ । कांग्रेसको १५ औं महाधिवेशन आगामी २०८३ सालभित्र भैसक्नुपर्ने व्यवस्था रहेको छ । कांग्रेसले १५ लाख भन्दा बढि क्रियाशिल बनाउने योजना अघि सारेको छ । हाल कांग्रेसमा ८ लाख क्रियाशिल सदस्य रहेका छन् । गत वर्षको महाधिवेशन लक्षित गरेर ५० कायम सदस्यमा ५० प्रतिशत थप गर्ने निर्णय गरेको थियो । यस वर्ष पनि सदस्यता वितरणमा सिमा कायम नगरी फारम पठाइएको कांग्रेस केन्द्रीय कार्यालले जनाएको छ ।
