काठमाडौं । नेकपा एमालेबाट कारबारीमा पर्नुभएका पार्टीका नेता भीम रावलले एमालेले आफूलाई कारबाही गरेर पतनको बाटोमा गएको आरोप लगाउनु भएको छ ।
नेकपा एमालेको सोमबार बसेको पार्टीको स्थायी कमिटिको बैठकले पार्टी सदस्यता बाट समेत हटाएपछि आक्रोशित हुनु भएका नुवाकोट पुकारसँग संक्षिप्त कुराकानी गर्दै रावललेले केपी ओलीले संगठित सदस्यता दिएर एमालेमा लागेको नभएकाले उनको कारबाहीको कुनै औचित्य नभएको उल्लेख गर्नुभयो ।
उहाँले भन्नुभयो ओलीले संगठित सदस्य दिएर पार्टीमा लागेको होइन । केपी ओलीको अनुहार पनि हेरेर लागेको होइन । आरोपको थप भनाई थियो ः संगठित सदस्यता भनेको देश र जनताको पक्षमा काम गर्ने क्रममा एउटा प्रतीकको रुपमा थियो । त्यो प्रतीक कुल्चेपछि देशभक्तिपूर्ण आवाज सिद्धिन्छ भन्ने केपी ओलीको धारणा होला । राष्ट्र र जनताका लागि ५० वर्षसम्म निरन्तर अविचलित आवाज उठाएँ त्यो जारी हुन्छ । कुन रुपमा जारी हुन्छ त्यो देखिनेनै छ ।
पार्टीको कारबाही पछि माधव नेपाल नेतृत्वको समाजवादी पार्टीमा जान लाग्नु भएको भन्ने चर्चा छ नि भन्ने प्रश्नमा आफू समाजवादी पार्टीमा जाने कुनै सोचमा नभएको प्रष्ट पार्नुभयो ।
नेता रावलले एमालेभित्रका इमान्दार, देश जनताको पक्षमा लामो समयदेखि लडेर दुःख पाएका हजारौं मानिसले आफुलाई साथ दिने बताउँदै नयाँ पार्टी खोल्ने संकेत गर्नुभएको छ ।नेकपा एमालेका उपाध्यक्ष भैसक्नु भएका रावल विगतमा अध्यक्ष ओलीसँग अध्यक्षमा निर्वाचन लड्नु भएको थियो ।
पछिल्ल्लो समय पार्टी अध्यक्ष ओलीप्रति खरो रुपमा आलोचनात्कम टिप्पणी गर्न व्यस्त हुनु भएका रावल पार्टी कार्यालय बनाउने मीनबहादुर गुरुड.का निणृयप्रति पनि खरो विारेधमा उत्रनु भएको थियो । एमाले यस्तै विषयमा स्पष्टिकण सोधेको थियो । तर रावलले स्पष्टिकरण नदिएपछि एमालेले पार्टीको संगठित सदस्यबाट समेत हटाएको छ ।
