विदुर । नुवाकोट जिल्लाको विदुर नगरपालिका कार्यक्षेत्र रहेको रुपिनदेवी बचत तथा ऋण सहकारी सस्था लिमिटेडको १२औं वार्षिक साधारणसभा सम्पन्न भएको छ । शनिबार सम्पनन भएको वार्षिक साधारणसभामा सहकारीका अध्यक्ष रोशन शाहले वार्षिक प्रतिवेदन पेश गर्नुभएको थियो ।
वार्षिक प्रतिवेदन पेश गर्दै अध्यक्ष शाहका अनुसार संस्थाको सेयर पुँजी १ करोड १५ लाख २९ हजार १०० रुपैँया रहेको र महिला १७६ जना र पुरुष ३४३ जना रहेको संस्थाले ५ करोड ४३ लाख २९ हजार ७०५ रुपैँया बचत सङ्कलन गर्न सफल भएको जानकारी दिनुभयो ।
संस्थाको वार्षिक प्रतिवेदन अनुसार व्यवसायिक कर्जामा १ करोड २४ लाख ३८ हजार ३९३ रुपैँया, व्यक्तिगत कर्जामा ५९ लाख २५ हजार ८४५ रुपैँया र आवधिक कर्जामा १७ लाख ७० हजार रुपैँया ऋण लगानी गरेको छ ।संस्थाले आव २०८०र०८१ मा कम दैनिक बचत गरेको छ । १५ लाख ८१ हजार ८४० रुपैँया दैनिक बचत गरेकोमा आव २०७९र०८० मा १९ लाख १४ हजार २८६ रुपैँया दैनिक बचत सङ्कलन गरेको थियो।प्रतिवेदनअनुसार गत आर्थिक वर्ष २०८०र०८१ मा संस्थाका पदाधिकारी, सदस्य र लेखा समितिका सदस्यहरुले २२ लाखभन्दा बढी ऋण लिएको छ । संस्थाको जगेडा कोष ३ लाख १३ हजार ९७३ रुपैँया रहेको छ ।
नुवाकोट उद्योग वाणिज्य सङ्घ नुवाकोटका वरिष्ठ उपाध्यक्ष सन्तोष उप्रेतीको प्रमुख आतिथ्यतामा भएको कार्यक्रममा बेगबहादुर सुनार उत्कृष्ट बचतकर्ता र कुमार विक उत्कृष्ट ऋणीलाई सम्मान गरिएको थियो ।यस्तै, संस्थाले शैक्षिकसत्र २०८०मा एसइईमा उत्तीर्ण सेयर सदस्यहरुमध्येका रनिशा सुनार, अञ्जिल कार्की र सिम्रीका रिजाललाई सम्मान प्रदान गरिएको थियो। यस्तै कार्यक्रमको उद्घाटन गर्दै नुवाकोट उद्योग वाणिज्य संघका वरिष्ठ उपाध्यक्ष उप्रेतीले लगानी डुब्दा संस्था धरासायी हुने भएकोले पूँजीगत लगानीमा ध्यान दिनुपर्नेमा जोड दिनुभयो
। उहाँले धितो मुल्याङ्कन समितिले सुक्ष्म अध्ययन गरेर मात्र ऋण लगानी प्रवाह गर्नुपर्ने सुझाव दिँदै अहिलेको अवस्थामा सहकारीहरुलाई जोगाउन सक्नु महत्वपूण कुरा भएको उल्लेख गर्नुभयो । विदुर ९ कोलनीमा रहेको सहकारीको साधारणसभाले अध्यक्षको प्रतिवेदनसहित लेखा प्रतिवेदन लगायतका प्रस्तावहरु सर्वसम्वत रुपमा पारित गरेको अध्यक्ष शाहले जानकारी दिनुभयो ।
