विदुर । नेकपा एमालेले पार्टीको संगठित सदस्यबाट समेत निश्काशन गरेपछि एमालेका पूर्व उपाध्यक्ष डा. भीम रावलले आज नयाँ पार्टीको घोषणा गर्ने तयारी गर्नुभएको छ । रावले आज राजधानीमा पत्रकार सम्मेलनका आयोजना गर्दै आफ्नो धारणासहितको नयाँ मोर्चाको घोषणा गर्न लाग्नु भएको बताइएको छ ।
नेकपा एमालेमा आफ्नो सबै जीवन समर्पण गर्नुभएका रावल एमालेसँगको विछोडपछि यो निश्कर्षमा पुग्नु भएको हो । रावलको एमालेसँगको सम्बन्ध निकै उतार चडावकाबीच अनत्य भएको छ । यद्यपि उहाँले नयाँ पार्टी नै खोल्ने वा तत्काल आफ्नो धारणा राखेर नयाँ साथीहरुसँग मोर्चाबन्दी गर्ने भन्ने विषयमा भने सार्वजनिक गर्नुभएको छैन ।
रावल निकट स्रोतका अनुसार उहाले तत्काल गैरबाम मोर्चा मात्रै बनाउने र केही समयपछि त्यसलाई पार्टीको रुपमा घोषणा गर्ने तयारीमा हुनुहुन्छ । नकपा एमाले पार्टी बाट राजनीतिमा स्थापित हुनु भएका डा. रावले माधव नेपालको नेतृत्वमा गठन भएको सरकार (२०६६)मा गृहमन्त्री र केपी ओलीको पहिलो मन्त्री परिषद (२०७२)मा पनि गृहमन्त्रीका जिम्मेवारीमा हुनुहुन्थ्यो ।
उहाँ अछाम–१ बाट सांस २०७० को निर्वाचनमा नेपाली कांग्रेसलाई झण्डै ५ हजार मत अन्तरले हराएर सांसद बन्नुभयो । बि.सं. २०७४ को आम निर्वाचनमा पुन ः अछाम बाट निर्वाचित हुन सफल हुनुभयो । बि. सं. २०७८ श्रावण ३ मा प्रधानमन्त्री शेरबहादुर देउवाले संसदमा विश्वासमा मत लिने दिन उहाँले सांसद पदबाट राजीनामा दिनुभयो । २०७८ मंसिरमा भएको नेकपा (एमाले)को १०औँ महाधिवेशनमा उनले अध्यक्षमा उम्मेदवारी दिएपछि रावलको एमाले अध्यक्ष केपी ओलीसँगको सम्बन्ध सुमधुर हुन सकेन ।
खरो रूपमा राष्ट्रिय राजनीतिमा उत्रने छवि बनाएका रावल अछामको साँफेबगर नगरपालिकाका जन्मनु भएको हो । पछिल्लो समय नेकपा एमालेका गतिविधिप्रति निकै असन्तुष्ट रहँदै आउनु भएका उहाँलाई पार्टीको हित विपरित अभिव्यक्ति दिएको भन्दै एमालेले सबै जिम्मेवारीबाट हटाएको छ ।
