विदुर । नेकपा एमालेको बेलकोटगढी नगरकमिटीको अध्यक्षमा रमेश न्यौपाने विजयी हुनुभएको छ । कुमरीका न्यौपाने नगर कमिटि अध्यक्षमा निर्वाचित भएका हुन ।
उनी पार्टी पार्टीका जिल्ला इन्चार्ज केशव पाण्डे र जिल्ला उपाध्यक्ष राजेन्द्ररमण खनालका निकट हुन । खनाल मेयर हुँदा उनी कुमरी २ का वडा अध्यक्ष थिए । निर्वाचन समितिले सार्वजनिक गरेको मत परिणाम अनुसार न्यौपाने १३१ मतसहित विजयी हुँदा भोजप्रसाद पुडासैनीले १०४ मत प्रप्त गरेका छन् । त्यस्तै उपाध्यक्षमा रामहरि घिमिरेले १२४ मतसहित विजयी भएका छन् भने बद्रीप्रसाद नेपालले १११ मत प्राप्त गरेका छन् ।
सचिवमा हरिहर सिलवाल ,उपसचिव,शरण खनाल र उपसचिव (महिला) सनिता श्रेष्ठ विजयी भएका छन् । अधिवेशनले ६१ सदस्य पनि चयन गरेको छ ।। बेलकोटगढीमा पनि जिल्ला तहकै जस्तो दुई वटा टिम बनेको थियो ।
