सर्वसुभल सुविधामा विनायक अस्पतालको सेवा उत्कृष्ट

काठमाडौं । राजधानीको गोंगबुमा रहेको बिनायक अस्पताल तथा प्रस्सुती गृहको २८ औंँ साधारण सभा सम्पन्न भएको छ । टोखा नगरपालिकाका प्रमुख प्रकाश अधिकारीको प्रमुख आतिथ्यतामा सम्पन्न भएको साधारणसभामा संस्थाका अध्यक्ष तथा प्रवन्ध निर्देशक केपी लामिछानेले संस्थाको वार्षिक प्रतिवेदन तथा कार्ययोजना पेश गर्नुभएको थियो ।

कार्यक्रममा अध्यक्ष लामिछानेले कार्ययोजना पेश गदै गरिब तथा असहायका लागि अस्पतालले सहुलियतमा सेवा प्रावह गर्दै आएको जानकारी दिनुभयो । उहाँले अस्पतालले गाउँ गाउँमा स्वास्थ्य शिविरमार्फत पनि निःशूल्क सेवा प्रवाह गरेको जानकारी दिँदै आगामी दिनमा यस्ता कार्यलाई निरन्तरता दिने बताउनुभयो ।

कार्यक्रममा प्रमुख अतिथि टोखा नगरपालिकाका प्रमुख अधिकारीले विनायक अस्पतालले सर्वसुलभ रुपमा सेवा प्रवाह गरेको भन्दै नगरपालिकाका तर्फबाट विशेष धन्यवाद दिनुभएको थियो । उहाँले नगरपालिकाले आम नगरबासीलाई स्वास्थ्य सेवामा सहज पहुँच पुर्याउनका लागि विशेष कार्यक्रमहरु सञचालन गर्दै आएको जानकारी समेत दिनुभयो ।

कार्यक्रममा टोखा ९ को वडा अध्यक्ष राम भक्त धिमिरेले अस्पतालको सर्वसलभ सेवाप्रति धन्यवाद ज्ञापनगर्दै आगामी दिनमा पनि यस्ता सेवाहरुलाई निरन्तरता दिन आग्रह गर्नुभयो । सो अवसरमा उत्कृष्ट कार्य गरेको भन्दै अस्पतालका पाँच जना कर्मचारीलाई सम्मानित गरिएको थियो ।

सामान्य स्वास्थ्य क्लिनिकका रुपमा सञ्चालनमा आएको उक्त अस्पताल हाल ५० शष्याकासाथ २४ सै घण्टा सञ्चालनमा छ भने सिटिक्यान, एमआरआई लगायतका विशिष्ट सेवाहरु २४ सै घण्टा सञ्चालनमा रहेको अस्पतिालले जनाएको छ । साथै आफ्नै भवनमा एकसय शष्याकासाथ आफ्नै भवनमा अस्पताल सञ्चालनको तयारी समेत हुँदै आएको अध्यक्ष तथा प्रवन्ध निर्देशक लामिछानेले जानकारी दिनुभयो । उहाँका अनुसार अस्पतालले यो वर्ष ५ करोड भन्दा बढिको कारोबार गरेको छ ।

अस्पतालका प्रवन्ध निर्देशक तादी गाउँपालिका स्थायी घर लामिछाने नुवाकोट जिल्लाका एक समाजिक व्यक्तित्वका रुपमा समेत परिचित हुनुहुन्छ । उहाँ गत स्थानीय तहको निर्वाचनमा तादी गाउँपालिकामा अध्यक्षको उम्मेदवार बन्नुभएको थियो ।

उक्त अस्पतालमा नुवाकोट ,रसुवा धादिड.सहितका जिल्लाबाट धेरै बिरामीहरु उपचारका लागि आउने गरेका छन् ।