गोरखा । गोरखा काठमाडौँ पदयात्रा आजबाट सुरु भएको छ । गोरखाको हनुमानथान भन्ज्याङबाट आजदेखि पदयात्रा सुरु भएको हो ।
पृथ्वी जयन्ती तथा राष्ट्रिय एकता दिवसको पूर्व सन्ध्याका अवसरमा गोरखाको हनुमान भञ्जयाङबाट सुरु भएको पदयात्रा जोर चौतारी, ताप्ले ,अश्राङ, बोर्लाङ ,घाटवेशी ,धादिङ, नुवाकोट हुँदै पुस २६ गते काठमाडौँ पुग्नेछ । पदयात्राको साथमा टर्च नेपालको राष्ट्रिय झण्डा र नेपाली सेनाका पहिलो कम्पनीहरूको झण्डा रहेको छ ।
यात्रामा गोरखामा शिवदल गण ,धादिङमा श्री शेर गण, नुवाकोटमा कालीध्वज गण र काठमाण्डौमा श्री शार्दुलजँग गुल्मले सघाउने भएका छन् । पदयात्राको सुरुवात क्रममा गोरखा नगरपालिका प्रमुख कृष्ण बहादुर राना, प्रमुख जिल्ला अधिकारी पुण्यविक्रम पौडेल, सहायक प्रमुख जिल्ला अधिकारी चित्राङ्गत बराल, जिल्ला स्थित कार्यालयका प्रमुख, सञ्चारकर्मीहरूको सहभागिता रहेको थियो यस्तै नेपाली सेनाको उक्त टोलीलाई धादिङमा श्री शेर गण र नुुवाकोटमा रहेको कालीध्वज गणले स्वागतसहितको जिम्मेवारी लिने छ । सो टोलीले काठमाडौंमा पुगेर औपचारिक समापन गर्नेछ । ।
