रवि लामिछानेलाई कानुन व्यवसायी र श्रीमतीको जिम्मामा छाड्न आदेश,भोलि अदालतमा उपस्थित हुने

जिल्ला अदालत रुपन्देहीले राष्ट्रिय स्वतन्त्र पार्टी (रास्वपा) का सभापति रवि लामिछानेलाई भोलि अदालतमा उपस्थित हुने सर्तमा कानुन व्यवसायी र श्रीमती निकिता पौडेलको जिम्मा लगाउन आदेश दिएको छ।

बुटवलस्थित सुप्रिम सहकारीको रकम ठगीको आरोपमा दायर भएको मुद्दामा बयान सकिए पनि भोलिदेखि थुनछेक बहस सुरु हुँदै छ। यही कारण भोलि बिहान १० बजे अदालत उपस्थित हुने गरी कानुन व्यवसायी र श्रीमती पौडेलको जिम्मा जमानी लगाएको अदालत स्रोतको भनाइ छ। 

जिल्ला अदालतका न्यायाधीश प्रल्हादकुमार योगीको इजलासले सो आदेश दिएको हो।