समुन्द्रटार । नुवाकोट जिल्लाको दुप्चेश्वर गाउँपालिकाको १६ औं गाउँसभा सम्पन्न भएको छ ।
बुधबार गाउँपालिकाको कार्यालय समुन्द्रटारमा भएको गाउँसभामा आर्थिक वर्ष २०८१।०८२ को विभिन्न विषयगत समितिहरुको अर्धवार्षिक प्रगति प्रतिवेदन समिक्षा गर्दै त्यसलाई कार्यान्वयन गर्ने अठोटकासाथ सम्पन्न भएको गाउँपालिका अध्यक्ष शंकर थापाको सचिवालयले जनाएको छ
। अध्यक्ष थापको सभापतित्वमा भएको सभामा उपाध्यक्ष माकुरी तामाड.सहित वडा अध्यक्षहरुले योजनाका विषयमा आ आफ्नो धारणा राख्नु भएको थियो । सभाले योजनालई थप प्रकाभकारी ढंगले अघि बढाउने र त्यसलाई पुर्ण रुपमा कार्यान्वयन लैजाने निर्णय समेत गरेको प्रमुख प्रशासकीय अधिकृत कृष्ण देवकोटाले जानकारी दिनुभयो ।
पालिकाले चालू आर्थिक वर्षमा शिक्षा, स्वास्थ्य, सडक,कृषि लगायतका क्षेत्रमा खर्च गर्ने गरि बजेट विनियोजन गरेको थियो । सोही बजेटलाई कार्यान्वयन गर्ने र अन्य योजानहरु थप गर्दै अघि बढाउने विषयमा पनि सभाले निर्णय गरेको छ ।
