विदुर । निजी तथा आवासीय विद्यालय अर्गनाइजेसन नेपाल (प्याब्सन) नुवाकोटले आफ्ना सदस्य विद्यालयका संस्थापक, संचालक तथा गुठियारहरुका लागि अभिमुखीकरण कार्यक्रम सम्पन्न गरेको छ ।
उक्त कार्यक्रममा प्याब्सन जिल्ला अध्यक्ष पुरुषोत्तम अधिकारीको अध्यक्षता तथा राष्ट्रिय अध्यक्ष डि. के. ढुंगाना ज्यूको प्रमुख आतिथ्यतामा सम्पन्न भएको थियो । कार्यक्रम राष्ट्रिय अध्यक्ष डि. के. ढुंगाना ज्यू बाट सांगठनिक प्रशिक्षण सहितको प्रस्तुति, आचार्य श्री महेन्द्र वशिष्ठद्वारा योग र ध्यान सहितको आध्यात्मिक प्रस्तुति, केन्द्रीय उपाध्यक्षहरु कृष्णप्रसाद अधिकारी र कुमार घिमिरे बाट शुभकामना मन्तव्य र कर सेवा कार्यालय गल्छीका कर अधिकृत लक्ष्मी खड्काले विद्यालय कर सम्बन्धि अत्यावश्यक जानकारी सहितको प्रस्तुति दिनु भएको थियो ।
यस्ता कार्यक्रमहरुबाट विद्यालय संस्थापक, सञ्चालक तथा गुठियारहरुका लागि पनि प्याब्सन प्रतिको अपनत्व बोध हुने र हरेक विद्यालयहरुलाई व्यवस्थापनका लागि थप सहजता ल्याउने अपेक्षा गरिएको अध्यक्ष अधिकारीले वताउनु भयो ।
हालै सम्पन्न प्याब्सन वागमती प्रदेश अधिवेशन बाट नव निर्वाचित प्रदेश कार्यसमिति र प्रदेश भित्रका १३ वटै जिल्लाका अध्यक्षहरुलाई सम्मान समेत गरिएको थियो ।
प्याब्सन नुवाकोटको ९ ओैं अधिवेशन बाट निर्वाचित कार्यसमितिले यस अघि पनि विद्यार्थीहरुका लागि प्याब्सन भन्ने अभिप्रायले एस. इ. इ. तयारी गरिरहेका विद्यार्थीहरुलाईMotivational Counseling (उत्प्रेरणा मुलक परामर्श ) कार्यक्रम सञ्चालन गरिसकिएको र आगामी दिनमा शिक्षक–कर्माचारी र अभिभावक केन्द्रित कार्यक्रमहरु सञ्चालन र निरन्तरता दिइने कुरा अध्यक्ष पुरुषोत्तम अधिकारीले बताउनु भयो ।
