नुवाकोट । नेकपा एमाले रसुवाका जिल्ला अध्यक्ष जनार्दन ढकालले पार्टी छाडेको घोषण गरेको दुई दिन नबित्दै अन्य नेता कार्यकर्ताले पनि एमाले छाड्न थालेका छन् । ढकालले पार्टीमा आफूलाई अपमान गरिएको र हातपात समेत भएको भन्दै पार्टी छाड्ने निर्णयमा आफू पुगेको बताएपछि उहाँ निकटका नेता कार्यकर्ताहरुले धमाधम पार्टी छाड्ने थालेका छन् ।
यसै क्रममा एमाले रसुवा जिल्ला समिति सदस्य एवं कालिका गाउँपालिकाकी पूर्वअध्यक्ष सीताकुमारी पौडेल अधिकारीले पार्टी परित्याग गरेकी छन् । पौडेलले सामाजिक सञ्जालमार्फत आफूले एमालेको साधारण सदस्यसमेत नरहने गरी पार्टी त्याग गरेको घोषणा गरेकी हुन् । ‘म आजका मितिदेखि नेकपा एमालेको साधारण सदस्यसमेत नरहने गरी पार्टी परित्यागको घोषणा गर्दछु’, पौडेलले आफ्जनो फेसबुक पेजमा लेखेकी छिन् ।
आफ्नो व्यक्तिगत स्वतन्त्रता भएकाले कसैलाई पनि टिकाटिप्पणी नगरिदिन पौडेलको आग्रह रहेको छ । अधिकारी ०७४ को स्थानीय तह निर्वाचनमा एमालेबाट कालिका गाउँपालिका अध्यक्ष निर्वाचित भएकी थिईन । एमालेमा अन्य पार्टी छाडेर आएका जिल्ला इन्चार्ज प्रेम तामाड.का कारण पछिल्लो समय एमाले रसुवा निकै तमानमा फसेको एमाले रसुवाका नेताहरुको भनाई रहेको छ ।
