काठमाडौं, ७ चैत । राष्ट्रिय प्रजातन्त्र पार्टीले आज काठमाडौंमा निषेधाज्ञा तोडने सार्वजनिक घोषणा गरेपछि सरकारले त्यस क्षेत्रलाई निणन्त्रणमा राख्ने भएको छ ।
गत साता सम्पन्न केन्द्रिय कार्य सम्पादन समितिको बैठकको निर्णय अनुसार आज राप्रपाले काठमाडौं, बानेश्वरस्थित निषेधित क्षेत्र तोडन खोजेको हो । तर गृह मन्त्रालयले शनिबार नै सार्वजनिक सूचना जारी गर्दै संविधान र कानुन विपरितका कदम नगर्न भनेको छ ।
गृह मन्त्रालयले निषेधित क्षेत्र तोडने राप्रपाको तयारी प्रति जानकार रहेको भन्दै कानुन उलङघन नगर्न चेतावनी नै दिएको छ ।गृह मन्त्रायले उक्त क्षेत्रमा बिहानैबाट प्रहरी र शसस्त्र प्रहरी तैनाथ गरेको छ ।
गत चैत १५ गते भएको प्रदर्शनमा हिंसात्मक भए पछि सरकारले राप्रपाका बरिष्ठ उपाध्यक्ष रबिन्द्र मिश्र, महामन्त्री धवल शमशेर राणालगायतलाई पक्राउ गरेको तथा उनीहरूको रिहाईको मागसहित राप्रपाले काठमाडौंमा निषेधित क्षेत्र तोडन लागेको हो । राप्रपा पछिल्लो समय हिन्दुराज्य र संवैधानिक राजतन्त्र ल्याउने भन्दै आन्दोलन गर्दै आएको छ ।
