९ वैशाख, काठमाडौं । प्रधानमन्त्री केपी शर्मा ओलीले कक्षा १२ को परीक्षा सार्न निर्देशन दिनु भएको छ । आफूलाई भेट्न पुगेका परीक्षा बोर्डका अध्यक्ष महाश्रम शर्मा र शिक्षा सचिव दीपक काफ्लेलाई प्रधानमन्त्री ओलीले केहीदिन परीक्षा सार्न निर्देशन दिनुभएको बालुवाटार स्रोतले जनाएको छ ।
यसअघि परीक्षा बोर्डले तोकिएको समय पर्सि ११ गते नै परीक्षा गर्ने निर्णय गरेको थियो । तर सबै संयन्त्र प्रयोग गरेर भएपनि परीक्षा गर्ने तयारीमा बोर्ड थियो ।प्रधानमन्त्री ओलीले स्थिति जटिल बनेको भन्दै केही समय सार्न निर्देशन दिनुभएको बताइएको छ ।
शिक्षक महासंघले परीक्षामा सहभागिता नजनाउने निर्णय गरेसँगै सरकार अप्ठेरोमा परेको थियो । शिक्षकहरुले २४ बुँदे माग अघि सारेर २१ दिनदेखि राजधानी केन्द्रीत आन्दोलन गर्दै आएका छन् ।
